-21 °С
Болытлы
Гәзиткә язылуVKOKTikTokINSTAGRAM
Барлык яңалыклар
Сәясәт
26 июль 2021, 20:23

Короновирус белән бәйле нинди чикләүләр кертелә?

Башкортстан Башлыгы Радий Хәбиров атналык оператив киңәшмәдә "Роспотребнадзор" тәкъдиме буенча, республикада прививка ясату турындагы белешмә булмаса, транспортка һәм көнкүреш, күңел ачу урыннарына кертү тыелуын кичектереп тору турында хәбәр итте.

Короновирус белән бәйле нинди чикләүләр кертелә?

Башкортстан Башлыгы Радий Хәбиров атналык оператив киңәшмәдә "Роспотребнадзор" тәкъдиме буенча, республикада прививка ясату турындагы белешмә булмаса, транспортка һәм көнкүреш, күңел ачу урыннарына кертү тыелуын кичектереп тору турында хәбәр итте.

Бу төбәктә коронавирус таралуы белән чагыштырмача тотрыклы вәзгыятькә бәйле. Шул ук вакытта, учреждениеләр эшенә элек кертелгән санитар-эпидемиологик таләпләр тулысынча сакланачак.

– Республикада авырулар санының артуы күзәтелә, әмма ул критик характерда түгел. Безнең халыкны вакциналауның яхшы темплары шартларында якын арада чикләү чаралары үз көченә кермәячәк, әмма вәзгыять начарайган очракта мондый чикләүләрне кертүгә әзер булырга кирәк, – дип ассызыклады Радий Хәбиров.

Оператив киңәшмәдә Башкортстан Хөкүмәте вице-премьеры, сәламәтлек саклау министры Максим Забелин хәбәр иткәнчә, төбәк «Спутник V», «ЭпиВакКорона» һәм «КовиВак» вакциналарының 1 031 680 дозасын алган инде. 26 июльгә булган мәгълүматларга караганда, республиканың 873 140 кешесе беренче компонент белән прививка ясаткан, икенче компонент белән – 577 954 кеше. Төбәктә вакцина кытлыгы юк. Моннан тыш, республикага бер компонентлы «Спутник Лайт» препаратының беренче партиясе килде.

Башкортстан Республикасы Дәүләт җыелышы-Корылтайның Сәламәтлек саклау, социаль сәясәт һәм ветераннар эшләре буенча комитеты рәисе урынбасары, республиканың Ковидка каршы ситуацион үзәге координаторы Римма Үтәшева 12-25 июльдә кайнар линиягә (347) 218-19-19, ул көн саен 08: 00дән 20:00гә кадәр эшли) 11 400 мөрәҗәгать керүен хәбәр итте. Шалтыратуларның күбесе тест нәтиҗәләрен ачыклау, коронавирустан вакциналануга язылу һәм компьютер томографиясен үткәрү белән бәйле.

Римма Үтәшева, үзәк операторлары халыкка коронавирус белән авыручыларны киметү өчен вакциналау кирәклеген җентекләп аңлата башлады, дип өстәде.

– Без авырулар санының артуы интенсив түгел, ләкин дәвам итүен билгелибез. Шуңа күрә төп бурыч – вакциналану, - диде Радий Хәбиров. - Республикада дарулар белән тәэмин итүдә проблемалар юк. Аңлату эшләре белән актив шөгыльләнергә, халыкны вакциналау өчен уңайлы яңа форматлар тәкъдим итәргә кирәк.

Фото: "Глава Республика Башкортстан"

Автор:Резида Валитова