Радий Хәбировның аккаунтлары федераль рейтингта дүртенче урында

"Диалог" белгечләре социаль челтәрләрдә Русия төбәкләре башлыклары аккаунтларының берничә критерий буенча бәяләнүен белдерде - төп мәйданчыкларда активлык (ВКонтакте, Инстаграм, Одноклассники и Facebook), контентның сыйфаты, кулланучыларның җәлеп ителүе (лайклар, репостлар, шәрехләр) һ.б. Йомгаклау рейтингында Башкортстан Башлыгының шәхси битләрендә 91 балл җыелган.

- Социаль челтәрләр - эшнең билгеле бер өлеше ул. Мин аларда ләззәт тә, зур шатлык та тапмыйм. Әмма нәтиҗәлелекне төгәл табам. Нәкъ менә шуңа күрә анда эшлим һәм челтәрләргә мәгълүмат чыганагы буларак җитди игътибар бирәм, - дип ассызыклады Радий Хәбиров.

"Диалог" компетенцияләр үсеше үзәгенең Идел буе федераль округы кураторы Денис Зацепин сөйләгәнчә, республика Башлыгының шәхси аккаунтлары аны җитәкче буларак кына түгел, шәхес буларак та белергә, арадашчылар аша түгел, ә беренче заттан турыдан-туры мәгълүматны алырга ярдәм итә.

- Радий Хәбировның аккаунтларын теләсә кайсы дәрәҗәдәге җитәкчеләр өчен үрнәк дип санарга мөмкин. Күпсанлы шәхси контент, төбәк тормышы турында оператив мәгълүмат, халыкка коры мәгълүмат күзлегеннән түгел, ә төбәк башлыгы позициясе һәм аның карашлары күзлегеннән кызыклы нәрсәләр күп, - дип билгеләде Денис Зацепин. - Башкортстанның теләсә кайсы кешесе белә, Радий Хәбировка хат язса яки шәрехләрне аның битендә калдырса, аның репликасына игътибар ителәчәк һәм җавап биреләчәк.

Исегезгә төшерәбез, "Диалог" коммерция карамагында булмаган автоном оешмасы интернет-коммуникация өлкәсендә төп Русия компетенцияләр үзәге булып санала. Башкортстан Республикасы Идарә үзәге бүлекчәләренең берсе шулай ук “Диалог" федераль тармагының бер өлеше булып тора.

Фото: "Башинформ"