Барлык яңалыклар
Сәясәт
20 сентябрь , 18:53

"Йөкләнеш зур булды, әмма без эшне җиренә җиткереп башкардык"

Ольга Панчихина сайлаулар турында фикерләрен белдерде.

"Йөкләнеш зур булды, әмма без эшне җиренә җиткереп башкардык"

Русиянең Иҗтимагый палатасы әгъзасы, 2021 елда сайлауларны күзәтү буенча Иҗтимагый штаб җитәкчесе Ольга Панчихина Башкортстандагы сайлаулар турында фикерләре белән уртаклашты.

Бу юлы сайлауларның ничек узуы турында бик күп иҗтимагый инструментлар кулланылган: бу - күп санда иҗтимагый күзәтүчеләр дә, видеоэкран эшләгән җәмәгать күзәтүе үзәге дә, социаль челтәрләрдә бик күп мәгълүмат агымнары да булган сайлаулар. Моннан тыш, штабның мобиль төркемнәре дә эшләде.

- Бөтен республика буенча йөреп булмый, шуңа күрә муниципалитетларда мобиль төркемнәр коткарды, алар хокук бозуларны ачыкларга һәм кисәтергә ярдәм итте. Без алар белән бик тиз элемтәгә кердек һәм участокта булганнарны күрдек, бу бик нәтиҗәле булды. Аларның барысында да штабтан белешмә бар иде. Болар барысы да сайлауларның үтәкүренмәлелеген һәм ачыклыгын тәэмин итте.

Җитди хокук бозулар булмады, әмма мөрәҗәгатьләр һәм шикаятьләр безгә ОПРБ линиясе буенча да, ОПРФ линиясе буенча да, "НОМ" Ассоциациясе линиясе буенча да килде. Без гамәлдәге сигналлар буенча мобиль төркемнәр белән чыктык, һәр хәлне контрольдә тоттык, - дип аңлатты Ольга Панчихина.

Иҗтимагый штаб җитәкчесе участокларда эшләгәннәргә зур йөкләнеш булуын билгеләп үтте. Ольга Панчихина сүзләренчә, шунысы куанычлы: Дәүләт думасына, 5 процентлы киртәне узып, тагын бер партия узачак. Димәк, бу партия программасы сайлаучыларга ошаган, кемдер дебатларны тыңлау нәтиҗәләре буенча бу партияне сайлаган.

Фото: nko-pro.ru

Автор:Гөлия Мөгаллимова