-8 °С
Болытлы
Гәзиткә язылуVKOKTelegramЯRus
Барлык яңалыклар
Сәясәт
4 октябрь 2021, 20:39

Халык исәбен алу кайчан башлана?

Агымдагы елның 15 октябреннән 14 ноябренә кадәр Бөтенрусия халык исәбен алу узачак.

Халык исәбен алу кайчан башлана?
Халык исәбен алу кайчан башлана?
Республиканың аны үткәрүгә әзерлеге турында Башкортостанстат җитәкчесе Әкрам Ганиев атна саен үткәрелә торган оператив киңәшмәдә хәбәр итте, аны төбәк Башлыгы Радий Хәбиров үткәрде.

Әкрам Ганиев билгеләп үткәнчә, һәр кешенең характеристикалары туплана торган дата октябрьдә тәгаенләнгән. Халык өзлексез хәрәкәттә булу сәбәпле, статистика органнары 15 октябрьгә кадәр территориаль урнашу урынын үзгәртергә мөмкин булганнар турында мәгълүмат җыйган инде.

Башкортстанда исәпкә алучылар штаты, шул исәптән резервны исәпкә алып, әзерләнде. Сайлап алынган кандидатлар арасында коронавирустан вакциналау узучылар - 84,5 процент. Исәп алу вакытында аларның барысын да кирәкле шәхси саклану чаралары белән тәэмин итәчәкләр.

Исәп алу участокларында көн саен дезинфекция үткәреләчәк, социаль дистанциянең һәм эпидемиягә каршы башка чараларның үтәлешен ныклы контрольдә тотачаклар.

Гомумән алганда, Әкрам Ганиев сүзләренә караганда, Башкортстан халык санын алуга әзер. Аның беренче оператив нәтиҗәләрен республика агымдагы елның декабрендә алачак.

#ВПН-2020 #переписьнаселения #җанисәп-2020

 

Автор:Ример Насретдинов
Читайте нас в