“Ил һәм кешеләр өчен эшләүне дәвам итәчәкбез”

"Без ил һәм кешеләр өчен күп эш башкардык. Һәм моны дәвам итәчәкбез. Бүген бик мөһим көн. Без билгеле бер үзгәрешләр булачагын аңлыйбыз, һәм бу, һичшиксез, мөһим. Партия бик катлаулы һәм уңышлы юл узганын аңлыйбыз. Безнең республикада «Бердәм Русия»нең 100 меңнән артык әгъзасы бар, ә тарафдарлары белән бергә – 150 мең. Шуңа күрә федераль съезд кабул иткән карарларның барысы да безнең өчен бик мөһим", - диде республика Башлыгы Радий Хәбиров.

Бу хакта тулырак: glavarb.ru/rus/press_serv/novosti/147720.htm

Пленар утырыш башланыр алдыннан Башкортстан Башлыгы Радий Хәбиров журналистларның сорауларына җавап бирде һәм республикада «Бердәм Русия» партиясе эшчәнлегенең мөһимлеге турында сөйләде.

—"Бердәм Русия" үзенең 20 еллыгын билгеләп үтә. Арадаш нәтиҗәләр ясарга вакыт. Партиянең алга таба үсешен ничек күрәсез? — дигән сорауга Радий Хәбиров болай җавап бирде:

— Бу 20 ел — шактый җитди һәм кайбер мәгънәдә хәтта драматик үзгәрешләр, илнең көчле үсеше чоры. Нәкъ менә безнең партия — Русиянең сәяси каркасын тотучы, иҗтимагый-сәяси тотрыклылыкны тәэмин итүче көч. Һәм иң мөһиме - милли лидерыбыз, Русия Федерациясе Президенты Владимир Владимирович Путин башлангычларын хуплады. Мөгаен, бу - безнең алда торган төп бурычларның берсе. Без, чыннан да, катлаулы юл, күпсанлы сәяси баталияләр уздык. Үз өстебезгә бик катлаулы карарлар кабул иттек, алар, әлбәттә, кешеләрдә чагылды, һәм алар үз фикерләрен әйтте, шул исәптән канәгатьсезлек тә белдерде. Ләкин без барысын да илебез һәм кешеләр мәнфәгатьләрендә эшләдек.

Хәзер илдә коронавируска каршы көрәшнең катлаулы чоры, әмма «Бердәм Русия» сәяси партиясе моңа мохтаҗ кешеләргә ярдәм итү өчен яңадан реаль чаралар күрде. Шуңа күрә безнең уйларга һәм ял итәргә вакытыбыз юк.