+21 °С
Болытлы
Сәясәт
28 декабрь 2021, 17:05
"«Сугыш чоры балалары» статусын иртәрәк бирергә кирәк иде..."
Бүген Радий Хәбиров йомгаклау интервьюсы вакытында «Сугыш чоры балалары» турындагы сорауга җавап бирде.
"«Сугыш чоры балалары» статусын иртәрәк бирергә кирәк иде..."
- Бу тема берничә ел барды. Миңа төрле кешеләр һәм оешма вәкилләре бу идея белән килде. Мин әйттем: безнең бюджет күп акча бирергә мөмкинлек бирмәячәк.
Мин бу статусны бирү яклы идем. Уйлап карагыз: ике егет басып тора. Аларның берсе сугышта булган, ә икенчесе аңардан берничә яшькә генә кечерәк булганга күрә анда булмаган. Әмма ул шул ук чорда үскән, көне-төне эшләгән, ачлыктан интеккән, әти-әнисен югалткан. Сугышта булганы орден медальләр белән бүләкләнә, дәүләт ярдәмен ала, ә икенчесенә бернәрсә дә юк...
Бу эшне иртәрәк тә эшләргә кирәк иде. Минемчә, без игелекле, яхшы эш башкардык. Ә аларга ярдәм чараларына килгәндә, түләүләр күләмен елдан-ел арттырачакбыз, - диде республика Башлыгы.
