"Үзебезнекеләрне ташламыйбыз..."

Хөкүмәттәге оператив киңәшмәдә Башкортстан Башлыгы Радий Хәбиров янә «үзебезнекеләрне ташламыйбыз», дип билгеләп үтте. Бу юнәлештә эшнең ничек алып барылуы турында төбәкнең тышкы икътисади элемтәләр һәм конгресс эшчәнлеге министры Маргарита Болычева сөйләде.

Ситуацион үзәк базасында штаб төзелгән, аның эше ике юнәлеш буенча алып барыла. Беренче юнәлеш - мөстәкыйль туристлар белән эшләү, икенче юнәлеш - оештырылган туристлар белән эшләү, алар туроператорлардан турлар сатып алган. Русиягә кайтырга ярдәм сорап барлыгы 23 кеше мөрәҗәгать килгән. Алты кеше кире кайтарылган.

- Чит илдә калган мөстәкыйль гражданнар Русия Федерациясенә тиз генә әйләнеп кайтмаса, аларның визалары төгәлләнергә мөмкин һәм ул чакта аларны өйләренә кайтаруда кыенлыклар булачак. Чит илдә булган Русия гражданнарының виза тәмамлану вакыты туры килә икән, шунда ук Русия Федерациясе вәкиллегенә хәбәр итәргә киңәш итәбез. Бу хәл үзгәргән һәм илдән чыгу белән проблемалар килеп чыккан очракта, Русия ведомстволары виза вакыты чыккан нәтиҗәләрне йомшарту өчен алдан чаралар күрә алсын өчен кирәк, - дип аңлатты Маргарита Болычева.

Барысына да мәгълүмати ярдәм күрсәтелә. Кемгә ярдәм кирәк булса, алар ситуацион үзәккә түбәндәге номер буенча мөрәҗәгать итә ала: +7 347 218 19 19.

- Гражданнарның кая мөрәҗәгать итәргә мөмкин булуын аңлавы мөһим, - дип ассызыклады Радий Хәбиров.

Фото: Башинформ