"Юридик форумның тәгаен нәтиҗәләре булыр дигән өметтәбез!"

“Русия юристлары ассоциациясе” Бөтенрусия иҗтимагый оешмасы рәисе Сергей Степашин үз чыгышында ассызыклаганча, бүгенге катлаулы вакытта төп бурыч - кешеләргә сүз белән түгел, ә реаль эш белән ярдәм итү.

- Мин бик өметләнәм, бүгенге сөйләшү нәрсә эшләргә кирәклеге турында диалог кына түгел, конкрет нәтиҗәләр дә бирәчәк. Республика белгечләрен мин юристларның иң яхшы ассоциацияләренең берсенә берләшүе белән котлыйм. Радий Хәбировка зур рәхмәт әйтәсем килә. Бүген Башкортстан - Русия Федерациясенең кешеләр яхшырак яши башлаган субъектларының берсе, - дип билгеләп үтте Сергей Степашин.

Дәүләт думасының Дәүләт төзелеше һәм законнар чыгару комитеты рәисе, Русия юристлары ассоциациясе рәистәше Павел Крашенинников шулай ук барлык юристларны һөнәри бәйрәмнәре белән котлады.

- Хокук ул - акон гына түгел, бу барыбер ниндидер мәдәни, социаль күренеш. Шул исәптән мәгариф функциясе, фәнни, хокук куллану һәм башка функцияләр дә анда керә. Мин шулай ук гуманитар миссиягә игътибар итәргә теләр идем, бу "кеше" функциясе аның конкрет кешене якларга тиешлегенә нигезләнгән, - диде Павел Крашенинников.

Аннары сүзне Андрей Назаров алды, ул республика юридик берләшмәсенең хокук эшчәнлеген үстерүгә зур өлеш кертүенә игътибар итте, анда юристлар гражданнарның мәнфәгатьләрен яклый. Премьер-министр сүзләренә караганда, бүген гуманитар сәясәт масштаблары - республика яңа Русия төбәкләренә эшлекле ярдәм итә торган глобаль сәясәт масштаблары.

- Марттан башлап, Башкортстаннан Донецк һәм Луганск халык республикаларына 34 гуманитар конвой җибәрелде. Без анда җимерелгән инфраструктураны тергезәбез, социаль объектлар төзекләндерәбез һәм төзибез, медицина ярдәме күрсәтәбез. Луганск Халык Республикасына без барлыгы 220 кешедән артык медицина белгечләренең 9 бригадасын җибәрдек. Алар 66 меңнән артык пациентны кабул итте. Аларның яртысыннан артыгы - балалар. Чираттагы мөһим, гуманитар сәясәттә басым - безнең хәрби хезмәткәрләргә һәм аларның гаиләләренә ярдәм итү. Бу максатларга бюджеттан 500 миллион сумнан артык акча каралган инде, ә киләсе елда - 1,5 миллиард сум тирәсе, - диде Андрей Назаров.

Чыгышын йомгаклап, Министрлар кабинеты җитәкчесе билгеләп үткәнчә, гуманитар сәясәт югары кабинетларда гына формалашмый. Аның сүзләренчә, аны гамәлгә ашыруда хакимиятнең барлык тармаклары, юридик бергәлек һәм, асылда, илнең барлык гражданнары катнаша.

Аның чыгыш вакытында Башкортстан белән ЛХР арасында ике тапкыр туры видеоэлемтә бәйләнеше булып алды.

Аларның беренчесе - Красный Лучтагы госпитальдән. Аннан әлеге вакытта командировкада булган Башкортстан Хөкүмәте Аппараты җитәкчесе Азамат Абдрахманов, табиблар һәм яралы сугышчылар элемтәгә чыкты. Азамат Абдрахманов хәбәр иткәнчә, ЛХР Хөкүмәте турындагы закон проектын урындагы властьлар үрнәк итеп Башкортстан Хөкүмәте турындагы закон нигезендә формалаштырган. Аның сүзләренчә, төбәк вәкилләре төрле комиссияләр составында ЛХР норматив-хокукый актларын Русия кануннарына интеграцияләүдә катнаша һәм якын арада ЛХР Хөкүмәте турындагы закон проекты закон чыгару органына карауга кертеләчәк.

Икенче туры эфир Салават Юлаев исемендәге ирекле батальон урнашкан урыныннан узды. Видеоэлемтәдән соң Андрей Назаров һәм форумда катнашучылар яугирләргә уңышлар һәм телекүпердә катнашучыларның барысына да тизрәк өйгә кайтуларын теләде.

Фото: pravitelstvorb.ru