+21 °С
Болытлы
Сәясәт
25 июль 2023, 04:45
Контрһөҗүм омтылышы...
Украина гаскәрләренең яу кырында нәтиҗәгә ирешә алмавының сәбәбе нәрсәдә? Яу кырында ниндидер әһәмиятле уңышларга ирешә алмагач, Киев режимы гражданлык объектларына һөҗүм итеп, яңадан-яңа зур җинаятьләр кылуны дәвам итә. Украина Мәскәүдәге объектларга ике пилотсыз аппарат белән һөҗүм ясарга тырышып карады, икесе дә радиоэлектрон көрәш чаралары тарафыннан юк ителде, зыян күрүчеләр юк, дип хәбәр иттеләр 24 июльдә Русиянең Оборона министрлыгында.
Контрһөҗүм омтылышы...
17 июльгә каршы төндә ике украин дроны Кырым күперенә зыян салды. Бу вакытта күпердән автомобильдә Белгород өлкәсеннән гаилә Кырымга ялга барган була. 40 яшьлек ир-егет һәм аның 36 яшьлек хатыны һәлак булды. Аларның 14 яшьлек кызлары җитди тән җәрәхәтләре алды, дәваха-нәгә озатылды. Күпернең Керчь юнәлешендәге автомобиль юлы җимерелгән. Бу участокта ике яклы хәрәкәтне сентябрьдә тергезү планлаштырыла.
Русиянең террорчылыкка каршы комитетында атака иртәнге 3 сәгать 05 минутта башкарылган, ике пилотсыз су өсте аппараты кулланылган, дип ачыклык керттеләр. Тикшерү комитеты вакыйганы, һичшиксез, теракт буларак квалификацияләде. Җинаять эше кузгатылды. Тикшерү Украина махсус хезмәтләре һәм кораллы оешмалары саныннан бу җинаятьне оештыруга һәм башкаруга катнашы булган затларны ачыклый.
Русия Президенты Владимир Путин бу хәлне хәрби күзлектән караганда мәгънәсез һәм рәхимсез җинаять, дип атады.
...АКШны Украинадагы хәл канәгатьләндерми, ил президенты Владимир Зеленскийдан контрһөҗүмне дәвам итүне таләп итә, дип белдерде Русия Чит ил эшләре министрлыгының рәсми вәкиле Мария Захарова.
“АКШны хәрби хәрәкәтләр театрында бүгенге хәл-шартлар канәгатьләндерми. Хәзер Киев режимыннан аңа бирелгән акчаны акларга һәм теләсә нинди юл белән контрһөҗүмне дәвам итүне таләп итәләр”, – диде брифингта Мария Захарова.
Украинаның коры җир гаскәрләре командующие Александр Сырский контрһөҗүмнең уңышсызлыгын Русия армиясенең өстенлеге белән аңлата. “Русия армиясен бәяләп бетермәү ярамый. Әлбәттә, аның сан ягыннан, тәэмин ителеш дәрәҗәсе буенча өстенлеге бар, радиоэлектрон көрәш чаралары, артиллерия, сугыш кирәк-яраклары, ракета системалары җитәрлек күләмдә. Һәм заманча авиациясе бар. Моны шулай ук истән чыгарырга ярамый”, – дип билгеләде Александр Сырский “Би-би-си”га биргән интервьюсында.
Пентагон Украинага озатылган коралларның бер өлешен корал белән сәүдә итүчеләр урлаганын ачыклаган. Бу хакта 20 июльдә “CNN” телеканалы оборона министрлыгына сылтама белән хәбәр итте.
Документта 2022 елның февраленнән сентябренә кадәр чорда Украинага тапшырылган коралны урларга һәм сатарга тырышу очраклары китерелә. Узган елның июнендә җинаятьчеләр төркеме 17 мең долларлык бронежилетларны урлаган. Шулай ук августта ирекле батальон сугышчылары 60 винтовка һәм мең патрон урлаганнар.
Украинага тапшырыла торган коралның террорчылар кулына һәм кара базарга эләгүе турында Русиянең Оборона министрлыгы башлыгы Сергей Шойгу 28 апрельдә үк кисәткән иде. Аның сүзләренчә, бу Европада һәм тулаем дөньяда иминлеккә кире йогынты ясый.
23 июльдә Русия Президенты Владимир Путин һәм аның Белоруссия коллегасы Александр Лукашенко Санкт-Петербургта мөһим сөйләшүләр уздырды, аларда шул исәптән Украинадагы хәл турында фикер алыштылар. Владимир Путин белдерүен-чә, Русия сугышчылары бер тәүлек эчендә рекордлы санда чит ил хәрби техникасын юк иткән. Бер сугыш көнендә Русия яугирләре 15 “Leopard” һәм 20 “Bradley”ны юк итте, дип белдерде ул.
Президент сүзләренчә, Украина армиясенең шәхси составының югалтулары контрһөҗүм омтылышлары башланганнан алып инде 26 мең кешедән артып киткән. Ул шулай ук Украинадагы чит илләрнең ялланган сугышчылары арасында да зур югалтулар булуын билгеләде. “Хәрби хәрәкәтләр зонасына ялланган сугышчыларны җибәргән илләрнең җәмәгатьчелеге анда ниләр барганын белергә тиеш. Һәм без моны үз илләре җитәкчеләренең гамәлләренә бәя бирсеннәр өчен кешеләргә җиткерәчәкбез”, – диде дәүләт башлыгы.
Үз чиратында, Александр Лукашенко белдерүенчә, Украинаны НАТОга өлешләргә бүлгәләп кабул итү тәкъ-диме – ул илнең көнбатыш өлешен Польша тарафыннан аннексияләү буенча план. “Бу – күзгә төтен җибәрү. Украинаның көнбатыш өлешен НАТОга кабул итү, Көнбатыш Украинаны Польшага кушарга омтылу. Бу – Русия гаскәрләренә каршы махсус операциядә поляклар актив катнашкан өчен түләү”, – дип аңлатты ул.
Александр Лукашенко сүзләренчә, бу планны АКШ власте хуплый. Сәясәтче билгеләвенчә, Белоруссия һәм Русия өчен Украинаны бүлгәләү мөмкин булмаган хәл. “Әгәр Украинаның көнбатыш халкы ярдәм сораса, без, әлбәттә, ярдәм күрсәтәчәкбез”, – дип ассызыклады ул.
Александр Лукашенко Владимир Путиннан, вакыйгалар шундыйрак үсеш алган очракта, Русиянең Белоруссиягә ярдәм итүен сорады. Ул шулай ук Русия коллегасына республика иминлеге буенча Мәскәү позициясе өчен аерым рәхмәт белдерде.
“Мин сезгә рәхмәт әйтергә телим. Сез Белоруссиягә каршы агрессия – туган илебезгә каршы һөҗүм ул, дип бу хакта ачыктан-ачык һәм аңлаешлы итеп әйткән беренче кеше”, – дип билгеләде ул.
21 июльдә Президент Владимир Путин билгеләвенчә, Украина гаскәрләре яу кырында нәтиҗәгә ирешә алмый, ә Көнбатыш кураторлары ВСУның контрһөҗүме барышыннан ачыктан-ачык канәгатьсезлек белдерә. Аның сүзләренә караганда, Киев режимына бик зур матди ресурслар: корал, танклар, артиллерия, бронетехника, ракеталар бирү дә, меңләгән ялланган сугышчылар һәм киңәшчеләр җибәрү дә ярдәм итми.
Көньяк Донецк, Артемовск һәм, беренче чиратта, Запорожье юнәлешләрендә Украина контрһөҗүме 4 июньдә башланды. Киев НАТО әзерләгән һәм Көнбатыш техникасы белән коралланган бригадаларны сугышка ташлады, шул исәптән киң таралган “Leopard” танкларын. Русиянең оборона министры Сергей Шойгу билгеләп үтүенчә, дошман үз максатларына бер юнәлештә дә ирешмәде, ул 26 мең хәрби хезмәткәрен, 1244 танкын һәм меңләгән берәмлек башка техникасын, 21 самолетын һәм 6 вертолетын югалтты.
Юк ителгәннәр арасында – 17 “Leopard”, 5 “АМХ” танкы һәм Американың 12 “Bradley” БМПсы, 43 берәмлек “М777” гаубицасы һәм Польша, АКШ һәм Франциядән җибәрелгән 46 үзйөрешле техника. Сугыш кырында дөрләп янучы “Leopard” танкы Көнбатышта зур резонанс тудырды, ә зур югалтулар АКШ яңа техника партияләрен ашыгыч җибәрү белән раслана.
Украинага Көнбатыш тарафыннан бирелгән танкларның һәм хәрби машиналар-ның һөҗүм барышында тиз юк ителүе Киевны һәм аның союздашларын тетрәндерде, дип яза “Wall Street Journal” гәзите.
Сергей Шойгу сүзләренчә, Көнбатыш разведкалары Русия оборонасының югары нәтиҗәлелеген һәм безнең Хәрби көчләрнең кисәтү ударларының нәтиҗәлелеген билгели.
Украина армиясе Русия ныгытмаларын җимерү өчен Америка тарафыннан тапшырылган кассета сугыш кирәк-яракларын куллана башлады, дип яза “The Washington Post” гәзите. Басма мәгълүматлары буенча, снарядлар траншеяларны юк итү өчен кулланыла. Моннан тыш, аларны Артемовск районында һөҗүм итү өчен файдаланырга мөмкиннәр.
Украина армиясенә АКШ тарафыннан кассета сугыш кирәк-яраклары җибәрү сә-бәпле, дип билгеләп үтте министр, Русия Кораллы көчләре шундый ук, ләкин “күпкә нәтиҗәлерәк” снарядларны кулланырга мәҗбүр булачак.
Фәнүз ХӘБИБУЛЛИН.
