-24 °С
Болытлы
Гәзиткә язылуVKOKTelegram
Барлык яңалыклар
Сәясәт
16 ноябрь 2023, 21:05

Роман Новиков белән очрашуда ниләр турында сөйләштеләр?

Бүген Мәскәүдә «Русия транспорты» XVII халыкара форумы кысаларында Башкортстан Башлыгы Радий Хәбиров Федераль юл агентлыгы (Росавтодор) җитәкчесе Роман Новиков белән очрашты. Көн тәртибендә - төбәк территориясендә эре инфраструктура проектларын гамәлгә ашыру мәсьәләләре.

Роман Новиков белән очрашуда ниләр турында сөйләштеләр?
Роман Новиков белән очрашуда ниләр турында сөйләштеләр?

Иң масштаблы объектларның берсе - М-7 федераль трассасы участогы төзелеше. "Росавтодор" җитәкчесе республиканың идарә командасына яңа трасса өчен җирләрне рәсмиләштерү һәм инженерлык коммуникацияләрен күчерү өлешендә нәтиҗәле хезмәттәшлек өчен рәхмәт белдерде.

- Үз ягыбыздан "Росавтодор" үз өстенә алган барлык йөкләмәләрне үтәячәкбез, - диде Роман Новиков.

Очрашуда шулай ук Уфадан Көнчыгыш чыгу проектын тәмамлау турында фикер алыштылар. Башкортстан Башлыгы эшләрнең расланган график буенча алып барылуын хәбәр итте.

- Без Русия Хөкүмәте вице-премьеры Марат Шакирҗан улы Хөснуллин белән Көнчыгыш чыгу юлын финанслау мәсьәләләре буенча фикер алыштык. Кирәкле акчалар декабрь башында ук киләчәк, - диде Радий Хәбиров очрашу нәтиҗәләре буенча. - Моннан тыш, Без Стәрлетамакны урап узу участогында Р-240 Уфа–Ырынбур трассасын киңәйтү проекты буенча ныклап тырышабыз. Анда бик югары йөкләнеш бар. Киләсе елда юлның киңлеген дүрт полосага җиткерү өчен аны реконструкцияләүгә керешербез дип өметләнәм.

Фото: glavarb.ru

Автор:Денис Таваев
Читайте нас в