-9 °С
Болытлы
Гәзиткә язылуVKOKTelegram
Барлык яңалыклар
Сәясәт
16 ноябрь 2023, 21:06

Виктор Басаргин: пассажирлар иминлеге - мөһим бурыч

Бүген Мәскәүдә «Русия транспорты» XVII халыкара форумы мәйданчыгында Башкортстан Башлыгы Радий Хәбиров транспорт өлкәсендә күзәтчелек буенча Федераль хезмәт ("Ространснадзор") җитәкчесе Виктор Басаргин белән очрашты. Биредә легаль булмаган пассажир ташучыларның эшчәнлеген ачыклау һәм туктату чаралары, автомобиль трассаларында үлчәү-габарит контроле системасының эше һәм башка актуаль мәсьәләләр турында фикер алыштылар.

Виктор Басаргин: пассажирлар иминлеге - мөһим бурыч
Виктор Басаргин: пассажирлар иминлеге - мөһим бурыч

- Башкортстан - саллы контроль системасын үстерү буенча алдынгы төбәкләрнең берсе. Республикада хокук бозуларны теркәү буенча иң күп автомат пунктлар һәм комплекслар бар, - дип билгеләде Виктор Басаргин. - Без хокук бозуларны оператив ачыклау һәм юлларга рөхсәт ителгән йөкләнешне арттырган өчен административ штрафлар билгеләү өчен безнең хезмәткәрләрнең штатын арттырырга ниятлибез.

"Ространснадзор" җитәкчесе Башкортстанда легаль булмаган ташучыларның эшчәнлеген ачыклау һәм туктату буенча зур эш алып барылуын өстәде.

- Бу юнәлештә дә багланышларны көчәйтәчәкбез. Бүген безнең өчен иң мөһиме - пассажирлар иминлеге. Башкортстанның транспорт күзәтчелеге өлкәсендә күп юнәлешләр буенча уңай тәҗрибәсе бар, аны мисал итеп башка төбәкләр дә куллана ала, - диде Виктор Басаргин.

Фото: glavarb.ru

Автор:Денис Таваев
Читайте нас в