+21 °С
Болытлы
Сәясәт
14 декабрь 2023, 11:05
“Иң мөһиме – илебез суверенитеты”
Бүген Русия Президенты Владимир Путин берләштерелгән “туры линия” һәм йомгаклау матбугат конференциясе форматында елга нәтиҗә ясады: русиялеләр һәм журналистлар сорауларына җавап бирде. “Ел нәтиҗәләре” дигән чарада Мәскәүнең “Кунак сараенда” махсус төзелгән студиядә киңкүләм мәгълүмат чаралары вәкилләре: федераль медиа һәм Русия төбәкләреннән, шулай ук Мәскәүдә аккредитацияләнгән чит ил журналистлары катнашты. Быел Башкортстаннан Владимир Путинның матбугат конференциясенә “Башинформ” агентлыгы, БСТ телевизион каналы һәм “Янаульские зори” гәзите хәбәрчеләре аккредитацияләнде.
“Иң мөһиме – илебез суверенитеты”
Дискуссияне алып баручылар – дәүләт башлыгы матбугат секретаре Дмитрий Песков, Беренче канал алып баручысы Екатерина Березовская һәм “Россия-1” журналисты Павел Зарубин.
Дәүләт башлыгына бирелгән беренче сорау аның яңа Президент срогына сайлану карары белән бәйле иде. Владимир Путиннан аның ил эчендә һәм аннан читтә нинди бурычларны мөһим дип санавы турында сорадылар.
– Мин бу хакта инде күп тапкырлар әйттем, ләкин кабатлау артык булмас. Русия кебек ил өчен суверенитетсыз яшәү мөмкин түгел. Шуңа күрә иң мөһиме – суверенитетны ныгыту. Бу – бик киң төшенчә. Тышкы суверенитетны ныгыту илнең оборона куәтен, тышкы контурлар буенча иминлекне, иҗтимагый суверенитетны ныгыту, безнең сәяси системаны, парламентаризмны үстерү дигән сүз. Һәм, ниһаять, икътисад өлкәсендә суверенитет иминлеген тәэмин итү. Финанс, икътисади, технологик суверенитет – Русиянең киләчәге, – дип ассызыклады Владимир Путин.
Фото: kremlin.ru
