Үсеш өчен мөһим хокукый нигез ул!

Башкортстан Башлыгы Радий Хә­биров конференциядә катнашучыларга сәламләү сүзе юллады. Аны республика Башлыгы Хакимияте җитәкчесе урынбасары Искәндәр Әхмәтвәлиев укыды.

– Сезне чын йөрәктән Башкортстан Республикасы Конституциясен кабул итүнең 30 еллыгы белән котлыйм! Без­нең республика тирән хокукый тради-ция­ләр белән аерылып тора, – диде Искәндәр Әхмәтвәлиев. – Бездә һәр­вакыт көчле конституционалистлар мәктәбе булды, грамоталы юристлар эшли, көчле профессор-укытучылар составы бар. Юбилей датасы – безнең конституционализмның үсеш тарихын һәм теоретик нигезләрен искә төшерү, бу өлкәдә фикер алышу һәм тупланган тәҗрибә белән уртаклашу өчен яхшы сәбәп. 1993 елгы Башкортстан Конституциясе заманча таләпләргә вакытында җайлашырга сәләтле шактый сыгылмалы хокукый акт булып кала. Соңгы еллардагы иң мөһим үзгә­решләр 2020 елда Гомумрусия тавыш бирү барышында гражданнарыбыз хуп­лаган Русия Федерациясе Конс­ти-туциясенә төзәтмәләрдә чагылдырылды.

Искәндәр Әхмәтвәлиев Башкортстанның танылган юристларына рес­публиканың дәүләт бүләкләрен тапшырды.

Республика парламенты Рәисе урынбасары Илшат Таҗетдинов Дәү­ләт җыелышы-Корылтай Рәисе Константин Толкачевның конференциядә катнашучыларга сәламләү сүзен җиткерде.

– Конституция принциплары һәм нормалары тормышка ашып кына калмый, ул республиканың тотрыклы үсе-шенең төп стратегик юнәлеше дә булып тора, – диде Илшат Таҗетдинов. – Күп очракта Башкортстанның Төп законында беркетелгән принциплар ярдәмендә төбәкнең нәтиҗәле үсешен, республиканың күпмилләтле халкы алдында барлык социаль йөкләмә­ләрне үтәүне һәм аның тормышы һәрь­яклап яхшыруын тәэмин итә торган власть органнары системасын төзи алдык.

Башкортстанның Конституцион советы рәисе Хәйдәр Вәлиев документ­ның төзелү тарихы турында җентекләп сөйләде, шулай ук конференциядә нә-тиҗәле эш өчен катнашучыларга рәх­мәт белдерде.

– 30 ел – истәлекле дата гына тү­гел, ә тарихи әһәмияткә ия вакыйга да, – диде Хәйдәр Вәлиев.

Башкортстан Конституцион советы рәисе, шулай ук конференция респуб­ликаның фәнни-гамәли тормышында мөһим адым булачак, галимнәр-хокук белгечләре үткәрә торган конституцион-хокукый тикшеренүләргә саллы өлеш кертәчәк, хокук өлкәсендә фәнни эзләнүләрне дәвам итүгә этәргеч би­рәчәк, төбәк законнарын алга таба камилләштерүгә һәм дәүләт институт­ларының нәтиҗәлелеген күтәрүгә яр­дәм итәчәк, дигән ышаныч белдерде.

Татарстан һәм Саха (Якутия) республикалары Конституцион советлары рәисләре Илгиз Гыйләҗев һәм Петр Гоголев, чарада катнашучыларга һәм кунакларга видеоконференция режимында мөрәҗәгать итеп, конституцион принципларга һәм нормаларга тугры калу дәүләтчелекне ныгыта, шәхес, дәүләт һәм гражданнар җәмгыятенең алга таба тотрыклы үсешен тәэмин итә, дип билгеләделәр.

Шулай ук Мәскәү, Екатеринбург һәм башка шәһәрләрнең фәнни берлекләре вәкилләре чыгыш ясады.

Катнашучылар Башкортстанның социаль-икътисади үсешендә конституцион өстенлекләр, Конституциянең нор­маларын һәм принципларын га­мәлгә ашыру проблемалары һәм перспективалары, 2020 елгы конституцион реформа, кеше һәм граждан­ның хокукларын һәм ирекләрен яңа конституцион өстенлекләр яктылыгында яклау турында фикер алышты. Конференция конституционализм теоретиклары һәм практиклары тәҗри­бәсе белән уртаклашу мәйданчыгы булды.

Фәнүз ХӘБИБУЛЛИН.