Башкортстанда Русия Президенты вазыйфасына кандидат Владимир Путинның иҗтимагый кабул итү бүлмәсе эшен дәвам итә

Төп килүчеләр - ул үзләренең актив гражданлык позицияләрен күрсәтергә теләүче гражданнар һәм Владимир Владимирович Путинга 2024 елның мартында булачак сайлауларда ярдәм итәргә теләүчеләр. Күпчелек мөрәҗәгать итүчеләр аның ышанычлы вәкиле, волонтер яки күзәтүче булу турында, агымдагы сайлау кампаниясе кысаларында үзләренең нәрсә белән файдалы булырга мөмкинлеге хакында сораулар бирә.

Безнең эстрада йолдызлары, Башкортстанның атказанган артистлары Алмаз һәм Айдар Юнысовлар, шулай ук, Башкортстан Республикасының Диңгезчеләр җыены рәисе урынбасары Илдар Исхаков бу эштән читтә калмадылар һәм мәдәният хезмәткәрләре өчен дә, барлык гаскәрләр ветераннары өчен дә иҗтимагый әһәмияткә ия тәкъдимнәрен керттеләр.

Җәмәгать кабул итү бүлмәсенә төрле тәкъдимнәр булган гражданлык активистлары, шулай ук төрле эшчәнлек өлкәсе белгечләре килә. Мәсәлән, Уфада яшәүче Артур Шәрипов төбәк дәрәҗәсендә кан донорларына ярдәм итү тәкъдиме белән мөрәҗәгать итте.

Гражданнар Русиянең төп халыкларының телләрен һәм гореф-гадәтләрен саклау буенча тәкъдимнәр белән дә мөрәҗәгать итә. Шулай итеп, иҗтимагый кабул итү бүлмәсенә «Бөтендөнья башкортлары корылтае (конгрессы) Халыкара иҗтимагый берләшмәләр берлеге вәкилләре сайлау алды программасына кертү өчен Русия халыкларының милли мәдәниятен саклау һәм үстерү буенча тәкъдимнәр белән мөрәҗәгать итте.

Иҗтимагый кабул итү бүлмәсенә Башкортстанда яшәүче теләсә кайсы кеше килергә мөмкин, ул теге яки бу өлкәне камилләштерү буенча тәкъдимнәр, илебезне үстерү инициативаларын калдыра ала.

Фото: Башкортстанда Русия Президенты вазифасына кандидат Владимир Путинның иҗтимагый кабул итү бүлмәсе.