Үзбәкстан кунаклары белән утырыш узды

Яклар хезмәттәшлекне үстерү юнәлешләре, аерым алганда, сәнәгатьнең төрле тармакларында кооперация элемтәләре формалаштыру, икътисадта һәм социаль өлкәдә хезмәттәшлекне ныгыту перспективалары турында фикер алыштылар.

Журабек Мирзамәхмүдов төбәк җитәкчелегенә җылы кабул иткән һәм үзара хезмәттәшлекне үстерүгә комплекслы караш өчен рәхмәт белдерде. Ул Башкортстанда җитештерелгән энергетика өчен компонентлар, аерым алганда, төрле җиһазларны җыю өчен трансформаторлар һәм кабель продукциясе озату мәсьәләләрен карарга тәкъдим итте. Моннан тыш, чит ил предприятиеләре нефть эшкәртү, химия сәнәгате һәм агач эшкәртү секторы өлкәсендә хезмәттәшлек белән кызыксына. Башкортстан Башлыгы ассызыклаганча, бу максатларга ирешү өчен технопарк форматында эшләү актуаль.

Ә Үзбәкстанның Фирганә өлкәсе хакиме Хәйрулла Бозаров үз чиратында Башкортстан җитәкчелегенә җылы кабул итүләре һәм хезмәттәшлекне үстерүгә омтылышлары өчен рәхмәт белдерде. Очрашуда катнашучылар шулай ук Башкортстанда Үзбәкстан продукциясе өчен зур логистик үзәк ачу мөмкинлеге турында фикер алыштылар.

– Без бу инвестиция проектына ярдәм итәргә һәм яңа объект өчен урын табарга әзер, - дип белдерде Радий Хәбиров.

Фото: glavarb.ru