+2 °С
Болытлы
Барлык яңалыклар
Сәясәт
29 гыйнвар 2025, 15:05
Радий Хәбиров: "Бурыч - республиканың социаль-икътисади үсеше белән шөгыльләнү"
29 гыйнварда Башкортстан Башлыгы, “Бердәм Русия”нең төбәк бүлеге җитәкчесе Радий Хәбиров республикада Югары партия мәктәбе филиалы эше кысаларында партиянең урындагы бүлекчәләре секретарьлары өчен уку семинарын ачуда чыгыш ясады. Чара Чишмә районында Русия Герое Максим Серафимов исемендәге «Патриот» паркы мәйданчыгында узды.
Радий Хәбиров: "Бурыч - республиканың социаль-икътисади үсеше белән шөгыльләнү"
Семинарда партиянең Үзәк башкарма комитеты җитәкчесе урынбасары, сәяси эш идарәсе җитәкчесе, Югары партия мәктәбе директоры Роман Романов һәм партиянең Генераль советы әгъзасы, Дәүләт думасында “Бердәм Русия” фракциясе җитәкчесе урынбасары Андрей Исаев катнаштылар.
- Әлбәттә, Башкортстанда Югары партия мәктәбе филиалын ачу бик яхшы. Бу башлангычны “Бердәм Русия” Генераль советы секретаре Владимир Владимирович Якушев та хуплады, моның өчен аңа зур рәхмәт, - диде Радий Хәбиров. - Безнең катлаулы, тиз үзгәрүчән дөньяда барысына да даими рәвештә, яхшы һәм сыйфатлы итеп өйрәнергә кирәк.
Төбәк җитәкчесе ике еллык зур сайлау циклына йомгак ясады, ул Русия Федерациясе Президентын, Башкортстан Башлыгын, республика Дәүләт җыелышы - Корылтайга, шәһәр һәм районнар советларына, авыл биләмәләренә сайлауларны эченә алган. Тавыш бирү кешеләрнең "Бердәм Русия"гә илнең әйдәп баручы сәяси көче буларак ышануын раслады.
- Махсус хәрби операция башлану мизгеленнән дөнья сәясәтендә, безнең тормышта да тектоник үзгәрешләр булды. Иң элек СВО барыбызны да берләштерде. Күргәнебезчә, ул кешеләрнең чын хисләрен шулкадәр кузгатты ки, алар хәтта безнең катнаштан башка да берләшә башлады. Мөгаен, Башкортстанда кешеләр җыелмаган һәм маскировка челтәре үрмәгән бер генә зур торак пункт та юктыр. Бу гаҗәеп әйбер, - диде Радий Хәбиров. - Санкция басымы шартларында республиканың уңышлы үсүе мөһим. Үткән ел нәтиҗәләре буенча без Русиянең тормыш сыйфаты буенча топ-10 төбәгенә кердек. Гәрчә әле өч ел элек бу рейтингта 40нчы идек. Өстәвенә, урынны билгеләгәндә халыкның төрле өлкәләрдә канәгатьлеге буенча аноним сораштырулары зур әһәмияткә ия - медицина хезмәте күрсәтү, мәгариф, хәвефсезлек, социаль яклау, торак, инфраструктура һәм башкалар. Ягъни кешеләр безнең эшнең нәтиҗәлелеген һәм уңай нәтиҗәләрне күрә.
Башкортстан Башлыгы ассызыклаганча, шул ук вакытта Русиягә һәм республикага дошман структуралары ягыннан моңарчы күрелмәгән мәгълүмати һөҗүм бара. Һәм бу басымга нәтиҗәле каршы торырга кирәк.
- Безнең бурыч - республиканың социаль-икътисади үсеше белән тыныч кына, ышанычлы рәвештә шөгыльләнү. Төбәк идарә командасы бердәм һәм нәтиҗәле эшләргә тиеш, - диде Радий Хәбиров. - Якын елларда Башкортстан яңа гомумдәүләт проектларын тормышка ашыруга җитди федераль ресурслар алачак. Мәсәлән, сәламәтлек саклауның беренчел звеносын модернизацияләү программасы буенча. Әгәр без Русия Сәламәтлек саклау министрлыгы раслаган бөтен нәрсәне эшләсәк, 2030 елга бездә инфраструктура, биналар, җиһазлар өлешендә бу өлкәдә бернинди база мәсьәләләре булмаячак.
Республика җитәкчесе билгеләп үткәнчә, партия хәрби хезмәткәрләргә һәм аларның гаилә әгъзаларына ярдәм итү мәсьәләләренә актив кушылырга тиеш. Хәрби хәрәкәтләр тәмамланганнан соң, өйгә кайтучыларга тернәкләндерү һәм эшкә урнашуда ярдәм итәргә. Республикада 27 гыйнвардан старт алган «Башкортостан Геройлары» республика программасы да моңа ярдәм итәргә тиеш. Аның максаты - «Геройлар вакыты» федераль проектына охшатып – СВО ветераннары арасыннан дәүләт һәм муниципаль хезмәт өчен кадрлар әзерләү.
- Без төгәл беләбез, барысы да яхшы булачак. Бергәләп без теләсә нинди сынауны узачакбыз, - дип ассызыклады Радий Хәбиров. - Моның өчен акыллы, технологик булырга кирәк. Һәм, әлбәттә, беренче чиратта очрашырга, аралашырга һәм кешеләр белән эшләргә.
"Бердәм Русия"нең үзәк башкарма комитеты җитәкчесе урынбасары - сәяси эш идарәсе җитәкчесе, Югары партия мәктәбе директоры Роман Романов уку процессында актуаль мәсьәләләр буенча җанлы хезмәттәшлекнең һәм бергәләп фикер алышуның мөһимлеген билгеләп үтте.
Партиянең Генераль советы әгъзасы, “Бердәм Русия” фракциясе җитәкчесе урынбасары Андрей Исаев искә төшергәнчә, 2025 ел партия дәрәҗәсендә муниципаль депутат елы дип игълан ителде, һәм регионда Югары партия мәктәбе филиалын төзү - урындагы сәяси советларны үстерүдә мөһим адым, дип ассызыклады.
Фото: glavarb.ru
- Әлбәттә, Башкортстанда Югары партия мәктәбе филиалын ачу бик яхшы. Бу башлангычны “Бердәм Русия” Генераль советы секретаре Владимир Владимирович Якушев та хуплады, моның өчен аңа зур рәхмәт, - диде Радий Хәбиров. - Безнең катлаулы, тиз үзгәрүчән дөньяда барысына да даими рәвештә, яхшы һәм сыйфатлы итеп өйрәнергә кирәк.
Төбәк җитәкчесе ике еллык зур сайлау циклына йомгак ясады, ул Русия Федерациясе Президентын, Башкортстан Башлыгын, республика Дәүләт җыелышы - Корылтайга, шәһәр һәм районнар советларына, авыл биләмәләренә сайлауларны эченә алган. Тавыш бирү кешеләрнең "Бердәм Русия"гә илнең әйдәп баручы сәяси көче буларак ышануын раслады.
- Махсус хәрби операция башлану мизгеленнән дөнья сәясәтендә, безнең тормышта да тектоник үзгәрешләр булды. Иң элек СВО барыбызны да берләштерде. Күргәнебезчә, ул кешеләрнең чын хисләрен шулкадәр кузгатты ки, алар хәтта безнең катнаштан башка да берләшә башлады. Мөгаен, Башкортстанда кешеләр җыелмаган һәм маскировка челтәре үрмәгән бер генә зур торак пункт та юктыр. Бу гаҗәеп әйбер, - диде Радий Хәбиров. - Санкция басымы шартларында республиканың уңышлы үсүе мөһим. Үткән ел нәтиҗәләре буенча без Русиянең тормыш сыйфаты буенча топ-10 төбәгенә кердек. Гәрчә әле өч ел элек бу рейтингта 40нчы идек. Өстәвенә, урынны билгеләгәндә халыкның төрле өлкәләрдә канәгатьлеге буенча аноним сораштырулары зур әһәмияткә ия - медицина хезмәте күрсәтү, мәгариф, хәвефсезлек, социаль яклау, торак, инфраструктура һәм башкалар. Ягъни кешеләр безнең эшнең нәтиҗәлелеген һәм уңай нәтиҗәләрне күрә.
Башкортстан Башлыгы ассызыклаганча, шул ук вакытта Русиягә һәм республикага дошман структуралары ягыннан моңарчы күрелмәгән мәгълүмати һөҗүм бара. Һәм бу басымга нәтиҗәле каршы торырга кирәк.
- Безнең бурыч - республиканың социаль-икътисади үсеше белән тыныч кына, ышанычлы рәвештә шөгыльләнү. Төбәк идарә командасы бердәм һәм нәтиҗәле эшләргә тиеш, - диде Радий Хәбиров. - Якын елларда Башкортстан яңа гомумдәүләт проектларын тормышка ашыруга җитди федераль ресурслар алачак. Мәсәлән, сәламәтлек саклауның беренчел звеносын модернизацияләү программасы буенча. Әгәр без Русия Сәламәтлек саклау министрлыгы раслаган бөтен нәрсәне эшләсәк, 2030 елга бездә инфраструктура, биналар, җиһазлар өлешендә бу өлкәдә бернинди база мәсьәләләре булмаячак.
Республика җитәкчесе билгеләп үткәнчә, партия хәрби хезмәткәрләргә һәм аларның гаилә әгъзаларына ярдәм итү мәсьәләләренә актив кушылырга тиеш. Хәрби хәрәкәтләр тәмамланганнан соң, өйгә кайтучыларга тернәкләндерү һәм эшкә урнашуда ярдәм итәргә. Республикада 27 гыйнвардан старт алган «Башкортостан Геройлары» республика программасы да моңа ярдәм итәргә тиеш. Аның максаты - «Геройлар вакыты» федераль проектына охшатып – СВО ветераннары арасыннан дәүләт һәм муниципаль хезмәт өчен кадрлар әзерләү.
- Без төгәл беләбез, барысы да яхшы булачак. Бергәләп без теләсә нинди сынауны узачакбыз, - дип ассызыклады Радий Хәбиров. - Моның өчен акыллы, технологик булырга кирәк. Һәм, әлбәттә, беренче чиратта очрашырга, аралашырга һәм кешеләр белән эшләргә.
"Бердәм Русия"нең үзәк башкарма комитеты җитәкчесе урынбасары - сәяси эш идарәсе җитәкчесе, Югары партия мәктәбе директоры Роман Романов уку процессында актуаль мәсьәләләр буенча җанлы хезмәттәшлекнең һәм бергәләп фикер алышуның мөһимлеген билгеләп үтте.
Партиянең Генераль советы әгъзасы, “Бердәм Русия” фракциясе җитәкчесе урынбасары Андрей Исаев искә төшергәнчә, 2025 ел партия дәрәҗәсендә муниципаль депутат елы дип игълан ителде, һәм регионда Югары партия мәктәбе филиалын төзү - урындагы сәяси советларны үстерүдә мөһим адым, дип ассызыклады.
Фото: glavarb.ru
Новости партнеров