+5 °С
Болытлы
Барлык яңалыклар
10
Сәясәт
12 март , 11:22
Путин яугирләргә берәр гектар җир бирергә кушты
Русия Президенты Владимир Путин Икътисади үсеш министрлыгына Украинадагы хәрби хәрәкәтләрдә катнашучыларга, Мәскәү һәм Петербург агломерацияләреннән тыш, бөтен ил буйлап бер гектар җир бүлеп бирү тәртибен һәм шартларын эшләргә кушты. Бу хакта Хөкүмәттәге чыганакларга сылтама белән “РБК “хәбәр итә.
Путин яугирләргә берәр гектар җир бирергә кушты
Басма әңгәмәдәшләренең берсе билгеләп үткәнчә, мондый башлангычның авторы — Президентның Ерак Көнчыгыштагы Тулы вәкаләтле вәкиле, Русия вице-премьеры Юрий Трутнев. Ул "Ерак Көнчыгыш гектары" программасын махсус хәрби операциядә катнашучыларга һәм аларның туганнарына да таратырга тәкъдим керткән. Путин мондый башлангычны хуплаган.
Икенче чыганак өстәп әйткәнчә, бу чараны гамәлгә ашыру өчен җаваплы итеп ул Икътисади үсеш министрлыгын билгеләгән. Министрлыкта мондый йөкләмә алуны раслыйлар. Ведомство үз тәкъдимнәрен билгеләнгән вакытта тәкъдим итәчәк.
Трутнев секретариатында билгеләүләренчә, Украинадагы хәрби хәрәкәтләрдә катнашучыларга һәм аларның туганнарына бер гектар җир бүлеп бирү хәзерге вакытта «үтәлү стадиясендә».
"Ерак Көнчыгыш гектары" программасына русиялеләр зур ихтыяҗ белән карый. Үткән елның беренче яртысында гына да гражданнарның аңа карата кызыксынуы өчтән бергә арткан.
Фото: Kremlin Pool / Globallookpress.com
Читайте нас: