Башкортстан сәнәгатен үстерү советының беренче утырышы узды

Совет утырышы «Зубово» технопаркы мәйданчыгында узды. Анда Русия Федерациясе сәнәгать һәм сәүдә министры урынбасары, Совет рәистәше Иван Куликов, профильле федераль ведомстволар һәм үсеш институтлары җитәкчеләре, шулай ук Башкортстанның һәм илнең әйдәп баручы предприятиеләре вәкилләре катнашты.

- Бүген без Башкортстан Республикасы сәнәгатен үстерү советы эшенә старт бирәбез. Яңа орган сәнәгать сәясәтен гамәлгә ашыруда нәтиҗәле инструмент булыр дип ышанам, – дип ассызыклады Радий Хәбиров.

Республиканың индустриаль комплексы эшенә Иван Куликов югары бәя бирде. Ул, аерым алганда, регионның төрле федераль программаларда актив катнашуын билгеләп үтте.

- Төбәк Башлыгы Радий Фәрит улы Хәбировка сәнәгатьне үстерү буенча зур игътибары һәм системалы эше өчен рәхмәт белдерәсем килә. Русия Президенты Владимир Владимирович Путин 2030 елга кадәр илнең технологик суверенитетын ныгыту һәм эшкәртү секторында җитештерүне 40 процентка арттыру буенча мөһим бурычлар куйды, – дип ассызыклады Иван Куликов.

Төбәк алдында торган бурычлар турында тулырак итеп Башкортстан вице-премьеры, сәнәгать, энергетика һәм инновацияләр министры Александр Шельдяев тулырак сөйләп үтте.

Русия Сәнәгать һәм сәүдә министрлыгының Төбәк сәнәгате сәясәте департаменты директоры урынбасары Владимир Мостовой үз чыгышында республиканың җитештерүне үстерүдә югары казанышларын билгеләп үтте.

- Башкортстан - сәнәгать инфраструктурасын һәм кадрлар потенциалын үстерү мәсьәләләрендә башка регионнар өчен лидер һәм остаз, - дип ассызыклады Владимир Мостовой.

Эш азагында Радий Хәбиров республиканың сәнәгать предприятиеләре һәм ведомстволары вәкилләренә Башкортстанның дәүләт бүләкләрен тапшырды.

Фото: glavarb.ru