+4 °С
Болытлы
Барлык яңалыклар
10
Сәясәт
2 апрель , 18:44
Башкортстан делегациясе - Абхазиядә
Төбәк Хөкүмәте Премьер-министры Андрей Назаров җитәкчелегендәге Башкортстан делегациясе Абхазия Республикасының яңа сайланган Президенты Бадра Гунбаның үз вазыйфасына керешү тантанасында катнашты.
Башкортстан делегациясе - Абхазиядә
Инаугурация тантанасына барлыгы 650 кеше килде, алар арасында Русия Президенты Хакимияте җитәкчесенең беренче урынбасары Сергей Кириенко, Дәүләт думасы делегациясе, шулай ук Русия төбәкләре һәм чит ил дәүләтләре вәкилләре бар иде.
Андрей Назаров билгеләп үткәнчә, ике республиканы сәүдә-икътисади, мәдәни һәм гуманитар өлкәләрдә күпьеллык хезмәттәшлек бәйли. Федераль дәрәҗәдә хупланган Русия-Абхазия мөнәсәбәтләре кысаларында ике яклы хезмәттәшлек ныгый.
- Башкортстан белән Абхазия арасындагы мөнәсәбәтләрнең тарихы бай. Гомумән, башкортлар һәм абхазлар дус һәм бер-берсенә ярдәм итешеп яшәгәннәр дип әйтергә була. Хәзер мөнәсәбәтләрнең "юл картасын" әзерлибез, аңа күп юнәлешләр керәчәк һәм без аларны ниндидер яңа тәкъдимнәр һәм идеяләр барлыкка килү процессында өстәячәкбез, - дип билгеләде Андрей Назаров.
Фото: pravitelstvorb.ru
Читайте нас: