«Идел-Янцзы» - Русия һәм Кытай хезмәттәшлегенең яңа дәрәҗәсе

Үзенең чыгышында Игорь Комаров билгеләп үткәнчә, 2025 ел Русияне һәм Кытайны тагын да ныграк якынайтучы истәлекле вакыйгалар белән истә калган, аларның дөньяда ролен билгели. Моны раслау - КХР Рәисе Си Цзиньпин әфәнденең Бөек Ватан сугышында Җиңү көнен бәйрәм итүдә катнашу өчен Русия Президенты Владимир Путин чакыруы буенча Мәскәүгә эш сәфәре. Русия һәм Кытай киләчәккә хәрәкәтнең яңа юлларын эзлиләр. Шундый механизмнарның берсе "Идел-Янцзы" форматы.

Бүгенге көндә Идел буе төбәкләре һәм Кытайның Янцзы елгасының югары, урта агымы арасында икътисади, фәнни-техник һәм гуманитар өлкәләрдә хезмәттәшлек турында 54 килешү төзелгән. Килешүләр саны буенча лидерлар булып Чувашстан, Түбән Новгород өлкәсе, Башкортстан, Мордовия һәм Татарстан, шулай ук Самара һәм Саратов өлкәләре тора. Идел буе төбәкләре бизнес-миссиядә, шулай ук Кытай территориясендәге төрле күргәзмәләрдә актив катнаша.

Кытай Халык Республикасы Дәүләт Советы Премьер-министры урынбасары Чжан Гоцин шулай ук Русия-Кытай мөнәсәбәтләренә уңай бәя бирде.

- Соңгы елларда стратегик җитәкче Си Цзиньпин һәм Президент Владимир Путин ярдәме белән Кытай-Русия мөнәсәбәтләре һәрвакыт дөрес юнәлеш буенча алга бара, җитлеккән, тотрыклы, стрессларга чыдам һәм якты характер күрсәтә, - дип билгеләде Чжан Гоцин.

Башкортстан Хөкүмәте Премьер-министры Андрей Назаров Кытай һәм Башкортстан партнерлыгының үсеш нәтиҗәләре турында сөйләде. Төбәк министрлар кабинеты җитәкчесе билгеләп үткәнчә, 2024 елда Башкортстан һәм Кытайның үзара тышкы сәүдә әйләнеше 1 млрд доллардан арткан.

- Кытай 25 процент өлеш белән безнең чит ил партнерлары арасында 1 урында тора. Шул ук вакытта, агымдагы елның гыйнвар нәтиҗәләре буенча гына да тышкы сәүдә күрсәткечләре 2024 ел башы белән чагыштырганда 50 проценттан артыкка үсте, - дипде Андрей Назаров.

Фото: pravitelstvorb.ru