Идел буе федераль округы Советы утырышы үтте

Утырышны ачып, Игорь Комаров Идел буе федераль округы төбәкләрендә СВО катнашучыларына ярдәм итүнең федераль стандартлары һәм төбәк башлангычларын берләштергән киң комплекслы чаралары гамәлгә ашырылуын билгеләп үтте. Хәрбиләрне социаль адаптацияләү эшенә шулай ук «Ватанны саклаучылар» дәүләт фонды филиаллары җәлеп ителгән.

- Округ төбәкләрендә СВО катнашучыларына ярдәм итүнең 200 чарасы гамәлдә. Алар гамәлдәге хәрби хезмәткәрләргә һәм махсус операция ветераннарына эшкә урнашуда, үз эшләрен ачуда, медицина реабилитациясендә, юридик һәм психологик консультацияләр бирүдә ярдәм итүгә юнәлтелгән. Ташламаларның шактый өлеше әтиләре һәм ирләре СВОда катнашкан чорда гаилә әгъзаларына лаеклы тормыш шартлары булдыруга юнәлтелгән, - диде Игорь Комаров.

Утырыш барышында катнашучылар СВО хәрбиләренә һәм аларның гаилә әгъзаларына ярдәм күрсәтүнең гамәлдәге практикасын анализлады. Башкортстан Башлыгы Радий Хәбиров үз чыгышында махсус операциядә катнашучыларны җайлаштыруның уңай тәҗрибәләре турында сөйләде. Башкортстанда агымдагы ел "Махсус хәрби операциядә катнашучыларга һәм аларның гаилә әгъзаларына ярдәм елы" дип игълан ителде.

– Республикада СВОда катнашучыларга ярдәм итүнең барлыгы 54 чарасы гамәлдә, алар тормышның барлык өлкәләрен диярлек үз эченә ала – мәгариф, медицина ярдәме, социаль яклау, эшкә урнаштыру, көнкүреш проблемаларын хәл итү, – диде Радий Хәбиров.

Төбәк җитәкчесе ассызыклаганча, СВО ветераннарының шәхси сыйфатларына һәм тәҗрибәсенә республикада ихтыяҗ зур.

Фото: glavarb.ru