-12 °С
Болытлы
Барлык яңалыклар
Сәясәт
16 декабрь , 16:37
Радий Хәбиров: "Үзбәкстан - безнең өчен якын партнер"
Бүген Башкортстан Башлыгы Радий Хәбиров һәм Үзбәкстанның Ташкент өлкәсе хокимы Зойир Мирзаев ике яклы хезмәттәшлекне ныгыту һәм уртак проектларны гамәлгә ашыру мәсьәләләре буенча видеоэлемтә режимында эшлекле киңәшмә үткәрделәр.
Радий Хәбиров: "Үзбәкстан - безнең өчен якын партнер"
Исегезгә төшерәбез: агымдагы елның декабрь башында Русия-Үзбәкстан хөкүмәтара комиссиясе утырышы кысаларында Үзбәкстан Премьер-министры урынбасары Җәмшид Ходжаев һәм Башкортстан Башлыгы Радий Хәбиров Үзбәкстан һәм Башкортстан төбәкләре арасында сәүдә-икътисади хезмәттәшлекне үстерү буенча "юл картасы"на кул куйдылар.
Документ сәнәгать кооперациясе һәм инвестиция сәясәте өлешендә, АПК, сәүдә, туризм, мәгариф, мәдәният һәм спорт өлкәләрендә үзара хезмәттәшлекне киңәйтүне күздә тота. Өстенлекле юнәлешләр арасында - Ташкент өлкәсе белән берничә уртак башлангыч. Сүз, аерым алганда, «Бекабад» технопаркын төзү турында бара, аның территориясендә Башкортстан резидентлары эшләргә тели.
- Бу - флагман проекты, аны гамәлгә ашыруны Үзбәкстан җитәкчелеге хуплый. Якын арада әлеге объектны төзү буенча "юл картасы"н эшләү мөһим, - диде Радий Хәбиров.
Зойир Мирзаев әлеге тәкъдимнәрне хуплады һәм Башкортстан делегациясенә тиешле ярдәм күрсәтергә әзер булуын белдерде.
Новости партнеров