"Бу рейтингларны төзүче экспертлар күп кенә факторларны бәяли..."

Сәяси һәм икътисади коммуникацияләр буенча агентлыкның яңа рейтингында республика Башлыгы үз позициясен яхшыртты: 17нче урыннан 14нче урынга күтәрелде. Башкортстан Фәннәр академиясенең өлкән фәнни хезмәткәре, республика Иҗтимагый палатасы әгъзасы Александр Кобыскан сүзләренчә, позициянең үзгәрүе республика Башлыгы Радий Хәбиров һәм аның идарә командасының эзлекле һәм системалы эшчәнлеге белән бәйле.

- Бу рейтингларны төзүче экспертлар җәмәгатьчелеге күп кенә факторларны бәяли. Алар арасында агымдагы мәгълүмати көн тәртибе дә бар, әмма иң мөһиме – төбәк җитәкчесенең зур инфраструктура проектларын тормышка ашыруны тәэмин итә алу сәләте, федераль хакимият органнары белән эшлекле, профессиональ мөнәсәбәтләр урнаштыруы һәм, иң мөһиме, халык һәм икътисад өчен гамәли нәтиҗәләргә ирешүе, – дип белдерде галим.

Эксперт фикеренчә, рейтингтагы үсешкә йогынты ясаган мөһим факторларның берсе – импортны алыштыру һәм дәүләтнең технологик бәйсезлеге буенча стратегик бурычларга җавап бирүче яңа сәнәгать җитештерүләрен гамәлгә кертү. Кобыскан республика үзенең индустриаль үзәк статусын раслаган мәйданчык буларак күптән түгел Екатеринбургта узган "ИННОПРОМ" күргәзмәсен атады. Анда катнашу төбәкнең рейтингтагы позицияләрен ныгытуга ярдәм итте.

Галим шулай ук Башкортстан тормышының рейтингка йогынты ясаган социологик якларына да тукталды. Аның сүзләренә караганда, бүген республикада тотрыклы социаль мохит формалашкан, протест мөмкинлеге түбән дәрәҗәдә кала.

Рейтингның ныгуына федераль үзәк белән актив хезмәттәшлек тә йогынты ясады.

- Башкортстан инфраструктура проектларына федераль дәрәҗәдә даими рәвештә уртак финанслау ала, милли программаларда катнаша, Территорияләрне үстерү фондыннан акча җәлеп итә. Радий Хәбиров үзәк белән шундый диалог булдыра алды ки, нәтиҗәдә республика яңа юнәлешләр инициаторы буларак чыгыш ясый. Мәсәлән, пилотсыз авиация өлкәсендә Уфа башка төбәкләрдә дә кулланыла торган чишелешләр тәкъдим итә. Бу ышанычлы һәм нәтиҗәле партнер абруен булдыра, әлеге күрсәткечләр рейтингларда турыдан-туры чагыла, – дип үз фикере белән уртаклашты политолог.

Фото: Республика Башкортостан