“Илебез бердәмлеген какшата алмаячаклар!”

Русия Президенты Владимир Путин “Валдай” XXIII Халыкара дискуссия клубының пленар сессиясендә чыгыш ясады

Добавить в предпочтительные источники Google

Чарада ил җитәкчесе Русиянең тышкы сәясәте контурларын билгеләүгә нигез булган махсус хәрби операция башлану сәбәпләренә кагылды, СССР таркалуы һәм Совет җитәкчелегенең үткәндәге хаталар өчен җаваплылыгы турында фикер алышты, эскалация һәм атом куркынычы мәсьәләләренә тукталды, шулай ук ясалма интеллект үсеше белән бәйле борчылуын белдерде.

Чыгышыннан соң Президент экспертлар белән дискуссия уздырды, көн тәртибендәге иң кискен сорауларга җавап бирде.
– Без бүген хокукның элекке нормалары кире кагылган, ә яңалары әлегә барлыкка килмәгән шартларда глобаль тынычлыкны һәм хәвефсезлекне ничек саклап калу турында уйларга мәҗбүр.
Дөнья үсешнең хәлиткеч борылыш мизгеленә якынлашты. Һәм эш сәясәттә генә түгел, сәясәт, һәрвакыттагыча, тирән үзгәрешләрдән килә. Үзгәрешләр барлык өлкәләрдә дә бара, – диде ул.
Владимир Путин көнбатыш йогынтысы турында да үз фикерләрен белдерде.
– Көнбатыш илләренең чикләнгән төркеме чагыштырмача зур йогынты ясый. Ул үзенә идарә итү функцияләрен үзләштерергә омтыла, ә бу дәүләтләрнең реаль йогынтысы мөстәкыйль һәм үз-үзенә ышанган дөньякүләм күпчелек файдасына кимегәч, БМО системасындагы каршылыклар торган саен ачыграк күренә бара, – диде Президент.
Чара кысаларында санлы тоталитаризм турында да сүз булды.
Владимир Путин экспертларның ясалма интеллектның таралуы кешеләрне бертөрле калыпка салуга һәм шәхесен җуюга китерергә мөмкин, дигән фикерен белдерде.
– Бу кемдер көйләгән алгоритмнарны куллану белән бәйле. Мондый санлы тоталитаризм үткәндәге тоталитар җәмгыятьләрнең безгә билгеле мисаллары кебек үк караңгы һәм гуманлылыкка каршы булачак, – диде ул.
Владимир Путин йөкләмәләрне бозу турында да фикерен белдерде.
Чыннан да, “көч бар – акыл кирәкми” принцибы үзләренең хәрби-сәяси, икътисади һәм, аларга калса, әхлакый үзенчәлекләренә ышанган кайбер халыкара уенчылар өчен җитәкчегә әверелде кебек. Без тарихтан яхшы беләбез, бу беркайчан да яхшылыкка китерми, дип ассызыклады Президент.
Махсус хәрби операция башлануга нәрсә этәргеч булды? Чит илләр дөреслекне беләме? Шушы һәм башка сораулар да Президент игътибарыннан читтә калмады.
– Кайда дөреслек? Ә дөреслек шунда, моны без теләмәдек һәм без сугыш башламадык, ә безнең белән сугыш башладылар. Украинадагы агрессив милләтчелекне һәм русофобияне еллар буе Русия белән көрәш коралына әверелдерү максатыннан хупларга, НАТОга оешманың үз мәнфәгатьләре өчен безнең тарихи территорияләрдә хәрби инфраструктура булдыруны башларга, анда үз базаларын планлаштырырга, Киевтагы радикалларны дәүләтне үзгәртеп коруга этәрергә кирәкми иде, ә аннары шул рәвешле төзелгән законсыз режимны асылда төрле һөҗүм итүчеләр белән тутырырга да кирәкми иде. Шулай ук Донбасс һәм Кырым халкы өчен концентрацион лагерьлар оештыру планнарын төзергә кирәкми иде. Милләтләре һәм рухлары буенча урыс булган өчен генә танклар, ракеталар ыргытырга, самолетлардан атарга һәм коралсыз кешеләрне тереләй яндырырга кирәкми иде. Ышанам, Русияне аңлы рәвештә бу ачык агрессиягә җавап итеп, кулына корал тотып якларга мәҗбүр булган хәлгә куйдылар. Безне аңлы рәвештә бу сызыкка китерделәр.
Владимир Путинның чыгышында җиңү безнең якта булырга тиешлеге һәм әлеге хәлләр төбәкләрнең һәм илнең үсешенә кире йогынты ясамаячагы кызыл җеп булып үтте.
Владимир Путин фикеренчә, кешелек тарихында сугышлар һәрвакыт булган, бар һәм, мөгаен, кораллы конфликтлар киләчәктә дә булыр.
– Хәрби хезмәт – ул үз илләренең мәнфәгатьләрен яклаучы кешеләрнең һөнәре. Әмма хәрби өлкәдә профессионализм – ул гуманитар нормаларны үтәү дә. Русия хәрбиләре, мәсәлән, һәрвакыт бу нормаларның какшамаслыгына таянып эш итте һәм, ассызыклыйсым килә, беркайчан да дошманның хәрби инфраструктурасына турыдан-туры карамаган объектларга беренче булып һөҗүм итмәде, – диде ул.
Владимир Путин СВОның кайчан бетәчәге турында да фикерен белдерде.
– Әлбәттә, сөйләшүләр ярдәмендә без боларның барысын да мөмкин кадәр тизрәк туктатырга телибез. Бары тик Русияне бу сөйләшүләрне теләми, дип гаепләүне туктатырга кирәк, ә барлыкка килгән чынбарлыктан чыгып, җаваплы карарлар кабул итәргә кирәк – Украинаның үзендә дә, шулай ук аның көнбатыштагы иганәчеләренә дә, барыннан да элек, әлбәттә, бүгенге көндә Европада да. Без тыныч сөйләшүләргә әзер, ләкин, тагын бер кат кабатлыйм, Русиянең һәм Русия халкының милли мәнфәгатьләрен исәпкә алып, – диде ул.
Икътисадтагы проблемалар турында сүз йөрткәндә Владимир Путин Русия икътисадының, финанс системасының тотрыклылык күрсәтүен билгеләде.
– Макроикътисад абсолют тотрыклы. Әйе, проблемалар бар, безгә хәл итәргә кирәк булган сораулар бар. Ә алар кайда юк? – диде ул.
Ясалма интеллект кыска гына вакыт эчендә яшәешебезнең һәр тармагына диярлек үтеп керде. Владимир Путин аның җаваплылыгы турында да сөйләде.
– Алгоритмнар үз өстенә бөтен җаваплылыкны алачак. Өстәвенә, кеше, әлбәттә, машинаның вәзгыятьне мизгел эчендә диярлек анализлау сәләте белән ярыша алмый. Кеше башка сыйфатларга ия – сизү, интуиция, ачык булмаган, бәлки, бердәнбер дөрес һәм коткаручы карар кабул итә белү. Ясалма интеллектның үз өстенлекләре бар: ул зур актив белемгә ия һәм кирәкле нәтиҗәне тизрәк бирә. Шуңа күрә ясалма интеллект, һәрхәлдә, бүгенге көндә кеше кулында корал буларак кулланылырга мөмкин һәм тиеш тә. Һәм ахыргы карарлар, һичшиксез, кешедә булырга тиеш. Кеше һәм ясалма интеллект кебек коралның мөмкинлекләрен берләштерү, минем карашка, иң зур нәтиҗә бирәчәк, – диде ул.

Гөлия Гәрәева.

Автор:Гөлия Мөгаллимова

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Об использовании персональных данных

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, «Башкортстан Республикасы» нәшрият йорты акционерлык җәмгыяте.

____________________

УЧРЕДИТЕЛИ: Агентство по печати и средствам массовой информации Республики Башкортостан, Акционерное общество Издательский дом «Республика Башкортостан».

Правила применения рекомендательных технологий

Политика конфиденциальности

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Эл. почта

kyzyltan@mail.ru

Адрес

450079, Уфа шәһәре, Октябрьнең 50 еллыгы урамы, 13 нче йорт

Рекламная служба

8(347)272-62-27

Сотрудничество

8(347)272-62-27