-16 °С
Болытлы
Гәзиткә язылуVKOKTikTokINSTAGRAM
Барлык яңалыклар
Төрлесеннән
12 ноябрь 2014, 20:55

Телефон дөньясы

Русия Президенты Владимир Путин Кытайга сәфәр кылганда, КХР Рәисе Си Цзиньпиньга Русия смартфоны YotaPhone 2 бүләк иткән. Бүләк итәр алдыннан телефонга Русия, Кытай һәм саммит символикалары махсус кертелгән булган. Си Цзиньпинь беренчеләрдән әлеге телефон моделенең иясе булды. Смартфонның үзенчәлеге — ул ике яклы. Бер як экраны төсле булса, икенче ягы — аклы-каралы. Шул рәвешле ул электрдан зарядка җыймыйча 50 сәгатькә якын эшли ала.

* * *


Дөньядагы иң кыйммәтле телефонны Аррle компаниясе җитеш­терә. Аның таң калдырырлык дизайнын Стюарт Хагс уйлап чыгарган. iPhone Diamon­dның хакы — 8 миллион доллар. Ул 500 алмаз беркетелеп, ал төс­тәге алтыннан эшләнгән. Кыйммәтле телефонның мах­сус савыты да бар. 7 килограммлы тартманың да хакы телефонныкыннан әллә ни аерылмый.

* * *


TopTenReviews рейтингы буенча иң яхшы смартфон булып Sony Xperia Z2 танылган. Ул мөмкин булган 100 баллдан 92не җыйган. Безнең илдә аеруча популяр булган Apple iPhone 6 һәм Samsung Galaxy S5 нибары бишенче һәм алтынчы урынны биләп тора.

* * *


iPhone 6ның бөкләнүе күпләрне гаҗәпкә калдырды. Телефон пре­зента­циялә­неп, сатуга чыкканнан соң, күпләр кибет­ләргә шикаять яза. Имеш, алар­ның телефоннары кесәдә булганда бөкләнә. Баксаң, яңа смартфон мах­сус алюминий һәм нык пыяладан эшләнгән икән. Телефон бөкләнгән очракта да смартфон менә дигән эшли, зыян күрми.

* * *


Телефонны үтил­ләштерү хакында күпләр белми дә. Башкортстанда үткәрелгән сорап белешү нәтиҗәләре буенча, халыкның 44 проценты иске телефонын өендә саклый, 25е туганына яисә дустына бүләк итә, 16сы сата. Соңгы арада техника кибетләре үтилләштерү программалары оештыра. Иске телефоныңны биреп, яңасын ташлама белән сатып алу мөмкинлеге бар.

* * *


Күп илләрдә кәрәзле телефон элемтә өчен генә хезмәт итми. Мәсәлән, табигый афәт якынлашыр алдыннан элемтә операторлары автоматик рәвештә бар кулланучыларга да смс-хәбәр җибәрә. Шул рәвешле җир тетрәгәннән, су басканнан, давыллардан күпләр үз гомерен саклап кала алган.

* * *


Соңгы арада Эстония алдынгы технологияләр куллану өлкәсендә беренчелекне тота. Сайлаулар вакытында җаның теләгән кандидатны телефон аша гына сайлыйсың. Әлеге яңалык сайлау процедурасын күпкә җиңеләйтә. Әйткәндәй, Эстониядә ил буенча тулысынча чыбыксыз WiFi бар. Әлеге илдә яшәүчеләр интернет өчен бер тиен акчасын да сарыф итми.