Якты йолдыз атылды...

Әдәбиятыбыз зур югалту кичерде. Талантлы шагыйрь, журналист, Караидел районы хакимиятенең Гаян Локманов исемендәге премия лауреаты Мөхәммәт Тәфтизани улы Закиров 64 яше тулган көннәрдә көтмәгәндә мәңгеллеккә арабыздан китте. Үзеннән соң күз явын алырлык якты юл калдырып, иң якты йолдызларыбызның берсе атылды. “Кызыл таң” гәзитендә күп еллар хезмәт кую белән бергә, заман шигъриятенең алгы сызыгында барды ул. Татар һәм башкорт телләрендә шигырь җыентыклары чыгарды, урыс шагыйрьләренең әсәрләрен татарчага тәрҗемә итүдә активлык күрсәтте. Лаеклы ялга чыккач та “Кызыл таң” белән актив элемтәдә булды, аның иң яңа әсәрләрен тәүдә без укып хозурландык, алар иң элек безнең гәзиттә дөнья күрде.

Мөхәммәт Закиров — табигатьтән килгән, ясалмалылыктан ерак олы талант иде. Үтә дә гади, мәрхәмәтле шагыйранә холкы яраклашудан ерак булды. Язмышында да ул Тукай шикелле үксез, ләкин горур, туры сүзле, буйсынмас җан иде. Тормышы җиңел булмаса да, шигърияте белән бәхетле, бәһаланып бетмәс талантлы икәнен калебе белән тойды ул. Шуңа да зарланып, вакланып йөрмәде, әйләнә-тирәгә һәм үз язмышына юмор аша карады, башкаларның да күңелен күтәрде.
Мөхәммәт-шагыйрь, син, кешелеккә бөтен шигъри хәзинәңне калдырып, мәңгелеккә юл алдың. Заман шигъриятенең югары дәрәҗәсен билгеләүче иҗат мирасың исемеңнең үлемсезлеген раслар. Чын талантларны тулысынча бәһалар өчен кеше гомере генә җитми, аңа гасырлар мөһере кирәк. Хуш, каләмдәш! Урының оҗмахта булсын!

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27