Акманайның айлы кичләре

— дип язган иде Баш-кортстанның халык шагыйре, Салават Юлаев исемендәге дәүләт премиясе лауреаты, Ленин, 3 тапкыр Кызыл Байрак, Халыклар дуслыгы орденнары кавалеры Сәйфи Ку­даш. Ша-гыйрьнең теләге кабул булган, күрәсең. Гомер кө­зенең 100 еллыгына килеп җитә алган, тормышын халыкка багышлаган кешеләр бик сирәк. Шулар арасында Сәй-фи Кудаш зур урын алып тора. Ул гомер буе халыклар белән халыкларны, әдәбият белән әдәбиятларны бәйләп, тел, гадәт, мәдәният алмашып, аралашып яшәүче әдип булган.
3 октябрьдә Сәйфи Кудашның тууына 120 ел тулды. Туган авылы Келәш мәктә-бендә, әдип­не олылап, аңа багышланган атналык үтте. Атна буе төрле кызыклы чаралар оештырылды. Татар, башкорт, урыс телләрендә Сәйфи Кудаш сүз­ләренә язылган җырлар, шигы­рьләр яңгырады. Фойеда әдип­нең китаплары, фоторәсемнәр куелды. Әдәби-музыкаль кичәне 10нчы сыйныф укучылары Эльгина Газизова, Илнар Сөләйма­нов алып барды, Реналь Бик­мәев, Нияз Хәмитов, Рәзил Мөгаймәнов, Салават Әмиров Сәйфи Ку-дашның туган якка тирән мәхәббәт белән сугарылган иң матур шигырь­ләрен йөрәк түренә үтәрлек итеп укыды. Шулай ук, бу кичәдә 5нче һәм 7нче сыйныф укучылары Азалия Хөсәенова белән Айсылу Әхмәтҗанова башкаруында Сәйфи Кудаш сүзләренә язылган җырлар яңгырады. Укучылар әдип­нең тормышы һәм иҗаты буенча әзерләгән викторина сорауларына да теләп җавап бирде.
Ә түбән сыйныф укучылары Сәйфи Кудашның иҗат бүлмә­сендә экскурсиядә булды. Анда яшь экскурсоводлар Карина Мө­нирова белән Айсылу Мусина балаларны әдипнең иҗаты һәм тормыш юлы белән таныштырды, якташыбызның Келәш, Акманай турында шигырьләрен укып ишеттерде. Сәйфи Кудашның кызы Сөембикә апа яр-дәмендә оештырылган музейда якташыбыз турында бик күп ядкарьләр тупланган. Ул ел саен яңартылып, тулыландырылып тора. Анда якташыбыз­ның төрле елларда басылган әсәрләре, фотосурәтләр, бик күп мәшһүр язучылар белән төшкән фоторәсемнәре, гаилә­сенә, иҗади хезмәттәшләренә багышланган стендлар бар. Безнең музей әдипнең шәхси әйберләре, гәзит-журналларда басылган документаль сурәт­ләмәләре, Кудашевлар гаиләсе­нең шәҗәрәсе һәм башка бик күп материалларга бай. Ел буена республика-бызның төрле районнарыннан бик күп укучылар, әдәбият сөючеләр килеп, илһам алып, рәхмәт әйтеп кайтып китә.

Кайчандыр шагыйрь:
“Нишләп шулай сагындыра икән
Акманайның айлы кичләре,
Исләремә төшеп исертәләр
Арыш чәчкәсенең исләре?..”
— дип язган иде.

Ә хәзер әдипнең үзен сагынып искә алабыз. Без якташыбыз белән чын күңелдән горурланабыз.