+22 °С
Болытлы
Гәзиткә язылуVKOKTelegram
Барлык яңалыклар
Төрлесеннән
11 март 2015, 23:01

Әкәм-төкәм... массаж ясый

Гадәти массажга күнегеп барабыз. Ләкин аның бик күп экзотик төрләре булуын күпләр белмидер әле. Еланнар, әкәм-төкәмнәр ярдәмендә, кытыклап, яңакка суккалап, хәтта кактус, пычак белән дә массаж ясау ысуллары бар икән. Аларны, башлыча, Кытайда, Таиландта, Венециядә кулланалар.

Мексикада, мәсәлән, энәләре алынган хакали кактусы белән массаж ясыйлар. Ә Испаниядә бармак очлары яки кош каурые белән йомшак кына кагылып тынычландыралар.
Тайваньда ит кисә торган берничә пычак йөзлеге белән ун минут дәвамында тәнгә җиңелчә суккалыйлар. Кытайда мондый ысул 2 мең ел элек үк барлыкка килгән.
Бит тиресен җыерчыклардан саклау максатында яңакка суккалап һәм әкәм-төкәмнәр куеп та дәвалыйлар.
Филиппиндагы Сибу шәһәре зоопаркы хезмәткәрләре үтә кыюларга менә шундый бушлай массаж тәкъдим итә: дүрт зур питон 10-15 минут дәвамында кеше өстеннән шуышып йөри. Ач булмасын өчен еланнарның һәркайсына унар тавык ашаталар, дүртесе бергә алар 250 килограмм авырлыкта була.
Читайте нас: