-18 °С
Болытлы
Гәзиткә язылуVKOKTikTokINSTAGRAM
Барлык яңалыклар
Төрлесеннән
1 апрель 2015, 23:09

Иң тәмле ризык — мәче йоны

Американың Детройт шәһәрендә яшәүче 43 яшьлек Лиза менә инде 15 ел буе мәче йоны ашый һәм аны чын мәгънәсендә затлы ризык дип саный. Аның сәер гадәте турында Америка телеканалы тапшыру да әзерләгән.

Лиза көн саен мәче йоныннан әвәләп ясалган өч йомгак ашый икән. Белгечләр исәпләвенчә, Лиза 15 ел дәвамында ашаган йонның уртача авырлыгы 3 мең 200 килограмм тәшкил итә. Ул үзе бу турыда: “Мин мәче йонын ашау белән мавыгып киттем һәм миңа ул бик тә ошый!” — дип сөйли икән.
Үзенә шундый сәер ризык әзерләү өчен ул мәче йонын фатир буенча, шул исәптән идәннән һәм карават астыннан да җыя икән. Ләкин ул иң тәмлесе — мәченең үзеннән тарап алынган йон булуын да искәртеп үтә.
Моннан тыш, ана мәче үз баласын кайгырткан кебек, ул да үзенең дустын ялый икән. Белгечләр фикеренчә, аның үз-үзен шул рәвешле тотуы кешене җәфалаучы авыруларның берсе — “трихотилломания”. Ул тәндәге чәчләрне йолку авыруы, бу кешенең психик тайпылышы белән бәйле. Авыру кешедә чәчләрне йолку һәм ашау кебек гадәти булмаган теләк барлыкка килә, ә ул, үз чиратында, сәламәтлеккә җитди зыян китерергә мөмкин.