“Кызыл таң” һәм “Әллүки”не троллейбуста да укыйлар!

Журналистлар Ләйсән Якупова һәм Ләйсән Бәдрет­динова һәм мин, троллейбуска утыручыларны тукталышта ук сәламләп, урыс һәм татар телләрендә “Кызыл таң” һәм “Әллүки” журналлары турында сөйләдек, пассажирларга әлеге бас­маларны бүләк итеп, акцияне күңелле һәм җанлы алып бардык. Фотохәбәрче Динар Кә­лимуллин иң матур мизгелләрне видеотасмага һәм фотосурәткә төшереп алды.
Күренүенчә, Черниковка бистәсе пассажирлары, нигездә, зоводларда эшләүче төрле милләт кешеләре, күбрәге пенсионерлар. Шунысы күңелле: хәтта урыс, украин, марилар да “Кызыл таң” гәзитен белә, күргәне, ишеткәне бар. Алар да истәлек өчен, татар милләтеннән булган күрше-күләннәренә, таныш-белешләренә бирергә дип, безнең гәзит-журналларны сөенеп кабул итте. Ә инде татар милләтеннән булганнары, нигездә, республикабызның төрле районнарында туып, “Кызыл таң”ны укып үскән авыл кешеләре. Җылы аралашу вакытында алар гәзит-журналларга “Матбугат йорты”на килеп, шактый арзанрак бәягә язылу мөмкинлеген белде.
“Матбугат укучы троллейбус” акциясе журналист­ларның халык белән якыннан аралашуы, басмаларны та­нытуы өчен генә түгел, пассажирларның актив рәвештә гәзит-журналларга язылуына да көчле этәргеч булыр дип ышанабыз.