Рәсемнәрендә — туган як моңнары
М. Нестеров исемендәге музейда Башкортстанның атказанган рәссамы, Г. Сәләм исемендәге республика премиясе лауреаты, профессор, М. Акмулла исемендәге Башкортстан дәүләт педагогия университетының художество-графика факультеты деканы Тәлгать Мәсәлимовның күргәзмәсе эшли. Тәлгать Хәсән улының әсәрләре белән танышучы һәркем үзенең бөек мәдәният белән берлеген тоя, туган ягына соклана.