+11 °С
Болытлы
Гәзиткә язылуVKOKTelegram
Барлык яңалыклар
Төрлесеннән
26 июль 2015, 00:35

Игътибар, эвакуатор эшли!

Мондый юл билгеләрен вакытында күрмәүчеләр кибеткә кереп чыккан арада юкка чыккан “корыч ат”ларын каян эзләп таба ала?Уфада, җилкәсен кашып, як-ягына каранып, машинасын эзләп йөрүче водительләрне еш очратырга мөмкин. Аеруча “Игътибар, эвакуатор эшли!” дигән юл билгесе тирәсендә. Баксаң, моның үз сере бар. Авылдан яки башка шәһәрдән килүче, аны-моны уйламыйча, машинасын юл читенә туктатып, үз эше буенча китә. Әйләнеп килүенә, машинадан җилләр искән була. Ачыклык кертсәк, административ хокук бозучы водительнең автомобиле эвакуаторда штраф мәйданчыгына илтелә. Мондый чакта автомобильне каян барып алырга? Юл-патруль хезмәте инспекторы белән водитель нинди хокукларга ия?

Юл-патруль хезмәте инспекторы нәрсә эшли:

1. Хокук бозуны фотога һәм видеога төшерә.
2. Административ хокук бозуга карата эш кузгату турында карар чыгара.
3. Пүнәтәйләр җәлеп итеп, транспорт чарасын тоткарлау турында протокол төзи.
4. Транспорт чарасын, документларны тапшыру өчен эвакуация хезмәтен чакыра.
5. Эвакуация хезмәте хезмәткәре килеп җитү белән транспорт чарасын кабул итеп алу-тапшыру актын төзи.
6. Эвакуатор хезмәткәре эвакуацияләнәсе транспорт чарасын фотога, видеога төшерә һәм алып китә.
Искәрмә: Әгәр водитель машинаны алып киткәнче килеп җитсә, инспектор аны шунда ук җавапка тарттыра. Бу очракта автомобиль тоткарланмый (Администртив регламентның 147.1нче статьясы).
7. Юл-патруль хезмәте инспекторы подраз­делениенең дежур частенә (Уфада — Русия Эчке эшләр министрлыгы ЮХХДИ идарәсенең Уфа буенча юл-патруль хезмәте) автомобильнең штраф мәй­дан­чыгына күчерелүе, эвакуацияләүнең вакытын, сә­бәпләрен хәбәр итә. Транспорт чарасының кайда урнаштырылганын әйтә.
8. Транспорт чарасын тоткарлау турында протокол Уфада — Русия Эчке эшләр министрлыгы ЮХХДИ идарәсенең Уфа буенча юл-патруль хезмәтенә тапшырыла.

Водитель нәрсә эшли:

1. Дежур частькә (Уфада – 2793335 номеры буенча Русия Эчке эшләр министрлыгы ЮХХДИ идарәсенең Уфа буенча юл-патруль хезмәтенә) шалтыратып, “корыч ат”ының кайда икәнлеген ачыклый.
2. Уфада, транспорт чарасы 20 сәгатькә кадәр эвакуацияләнсә, граждан Муниципаль бюджет учреждениесенең махсуслашкан машина туктату урынына килә. Биредә юл-патруль хезмәте инспекторы протокол төзи яки административ хокук бозу турында карар чыгара. Протокол тутырганда водитель Эчке эшләр министрлыгының Башкортстан Республикасы буенча мәгълүмат үзәге аша тикшерелә.
3. 20 сәгатьтән соң административ хокук бозу турында протокол ЮХХДИ подразделениесе урнашкан урынга җибәрелә. Бөтен шартлар үтәлгәч, чыгымнар каплангач, “корыч ат” янә водительгә тапшырыла.
Эвакуацияләнгән машинаны юллап алу кесәгә суга, вакытны ала һәм уңайсызлыклар тудыра. Күңелсез хәлдә калмас өчен, юл билгеләренә игътибарлы булырга һәм машинаны рөхсәт ителмәгән урында туктатмаска кирәк.
Читайте нас: