Җаваплылык — аның юлдашы!
Хөрмәтле хезмәттәшебез “Кызыл таң” нәшриятының баш бухгалтеры Ризида Фәттахованың тормыштагы һәр эш-гамәленә икешәр бишле куярлык.“Кешедә барысы да күркәм булырга тиеш: йөз-кыяфәте дә, киеме дә, күңеле дә, фикерләре дә...” — дип язган күренекле урыс әдәбияты классигы Антон Чехов. Әлеге канатлы сүзләрнең халык теленә кереп китүенә гасырдан артык вакыт узса да, алар турыдан-туры безнең хөрмәтле хезмәттәшебез, “Кызыл таң” нәшриятының баш бухгалтеры Ризида Зөфәр кызы Фәттаховага да атап әйтелгән кебек.