+26 °С
Болытлы
Гәзиткә язылуVKOKTelegram
Барлык яңалыклар
Төрлесеннән
8 ноябрь 2016, 02:00

Гүзәл затларның кулыннан килә

Татар хатын-кызларының “Сәхибҗамал” оешмасы – республикада иң актив эшләүче иҗтимагый оешмаларның берседер, мөгаен. Һәм монда аның җитәкчесе Динә Морзакаеваның өлеше зур. Динә Гайнелбаян кызы моңа үзенең абруе, зыялылыгы белән күпләрне үз янына туплап ирешә.

Октябрь ахырында гүзәл затларыбыз “Халыклар дуслыгы йорты”нда үткән утырышта башкарылган эш­ләргә йомгак ясады, алдагы айларга эш планын карады. Соңгы чорда, чынлап та, оешма әгъ­залары башкалабызда һәм төбәкләрдә төрле мәдәни-иҗтимагый, әдәби чараларны үткә­рүгә күп көч сала. Җәлилчеләргә багышланган Хәтер көне (“Ихлас” мәчете белән бер­лектә), Миякәдә мөсли­мәләр оешмасы белән очрашу, Кушнаренко, Благовар, Чакмагыш районнары Хатын-кызлар советлары белән үткәрелгән “Дуслык төягендә кот булыр” бәй­рәме, Кырмыскалы районының Бозаяз авылында Айрат Сөләймановның “Бозаяз нәсел­ләре һәм алар­ның шәҗәрәсе” китабын тәкъ­дир итү, Чакмагыш районында Самавыр бәйрәме һ. б. чараларда “Сәхибҗамал” кызлары башлап йөрде. БДУның татар филологиясе һәм мә­дәнияте кафедрасы үткәргән “Җанлы сүз” конкурсын оештыруда оешманың идарә әгъзасы Лилия Сәгый­дуллинаның өлеше гаять зур. Автор-башкаручы Ризидә Мөхәммәтҗанова Югары Кыйгыда һәм Уфада үзенең юбилей кичәләрен оештырды.

Оешма әгъзалары әдәби иҗатка мөкиббән. Тәнзилә Исәнбирдина һәм Алисә Шәңгәрәеваны – шигъри җы­ентыклары белән, юби­ляр­ларның гомер бәйрәм­нәрен шигъри сүз белән котларга онытмадылар. Арада быел хаҗ сәфәре кылганнар да бул­ган.

“Сәхибҗамал” оешмасы утырышында Казан кунагы Нуридә Насыйбуллина да катнашты. Ул – безнең якташыбыз, Стәрлебаш районының Бузат авылы кызы. Роберт Миң­нуллин иҗаты буенча кандидатлык диссертациясе яклаган, монография бастырган. Бүген Г. Ибраһимов исемен­дәге Тел, әдәбият һәм сәнгать инсти­тутының язма һәм музыкаль мирас бүлегендә эшли. Аның әйтүенчә, язучылар, шагыйрь­ләрнең язма мирасы тиешле дәрәҗәдә саклана. Әдипләрнең архивын тапшыру яисә чыганакларга кагылышлы сораулар белән бүлеккә мө­рәҗәгать итәргә була. Нуридә җырга да бик әвәс, калфак чигү остасы да икән.

Гүзәл затларыбыз респуб­ликаның иҗтимагый-мәдәни тормышында киләчәктә дә актив катнашачак. Декабрьдә, оешманың 15 еллыгына багышлап, тамашачылар яратып өлгергән “Шагыйрәләр сүзе – җиһан сере” әдәби-музыкаль бәйрәмен үткәрәчәк. Матур башлангычлар уңышлы булсын!
Читайте нас: