+20 °С
Облачно
Төрлесеннән
26 Апреля 2017, 21:00
Саннар патшабикәсе
Сез дә бухгалтерларны бихисап кәгазьгә күмелеп, саннардан баш күтәрә алмыйча утыручы кешеләр дип күз алдына китерәсезме? Эшләре бигрәк күңелсез кебек. Сана да сана, акча исәплә дә отчет яз, имеш. Бухгалтерия ишеген ачып, шул хакта бу һөнәр ияләренең үзләреннән белешик әле!
— Мин үз һөнәремне бик тә яратам, — ди Стәрлебаш районының “Жилищник” җәмгыятендә бухгалтер-кассир булып эшләүче Светлана Мерәсова. — Ә яраткан эштә күңел һәрчак күтәренке. Бигрәк тә, коллектив яхшы булса.
“Бухгалтер нинди сыйфатларга ия булырга тиеш?” дигән сорауга Светлана Мерәсова уйлап та тормыйча: “Түземлелек, әдәплелек, җаваплылык”, дип җавап бирә. Аның белән килешмичә мөмкин түгел.
Беренче чиратта, күпфатирлы йортларда яшәүче халыктан түләүләр ала. Барлыгы 32 йорт һәм 500дән артык кешене хезмәтләндерә.
Көн буена кеше белән аралаша. Ә һәр кешенең, әлбәттә, үз холкы, торак-коммуналь хезмәтләргә үз карашы. Һәрвакытта да тормыштан канәгать кешеләр килеп тормый. Хаклар арту белән риза булмасалар, бу хакта беренче дәгъва бухгалтерга җиткерелә. Акчаны ул алып калгач, хезмәт күрсәтү өчен дә ул җавап бирергә тиеш, дип уйлыйлар. Светлана Әбделхак кызы моны аңлап эш итә. Һәр кешегә игътибарлы һәм ихтирамлы булырга тырыша.
Хезмәткәрләре дә аның хакта тик яхшы сүзләр генә әйтә.
— Кешелекле һәм ярдәмчел, шаян да, акыллы да, — диләр аның белән бер кабинетта утыручы баш бухгалтер Елена Рычкаль белән фатирга түләүне исәпләүче бухгалтер Инна Хисмәтуллина.
— Ул — югары класслы хезмәткәр һәм җаваплы белгеч, безнең оешмада 2011 елдан эшли, — дип сүзгә кушыла “Жилищник”ның директоры Рәсим Гыйниятуллин. — Түләүләр алудан тыш, касса кенәгәсен алып бара, аванс отчетларын кабул итә, күзәтү хезмәтләре өчен отчетлар төзи. Андый кеше белән эшләү күңелле. Елмаеп торучы, изге күңелле бухгалтерны клиентлар да ярата. Сабыр гына тыңлый, аннары барысын да аңлатып бирә. Теләсә нинди низагны да тиз сүтеп бирә. Клиентларның ризалыгы — хезмәткәр өчен иң югары бәя.
“Бухгалтер нинди сыйфатларга ия булырга тиеш?” дигән сорауга Светлана Мерәсова уйлап та тормыйча: “Түземлелек, әдәплелек, җаваплылык”, дип җавап бирә. Аның белән килешмичә мөмкин түгел.
Беренче чиратта, күпфатирлы йортларда яшәүче халыктан түләүләр ала. Барлыгы 32 йорт һәм 500дән артык кешене хезмәтләндерә.
Көн буена кеше белән аралаша. Ә һәр кешенең, әлбәттә, үз холкы, торак-коммуналь хезмәтләргә үз карашы. Һәрвакытта да тормыштан канәгать кешеләр килеп тормый. Хаклар арту белән риза булмасалар, бу хакта беренче дәгъва бухгалтерга җиткерелә. Акчаны ул алып калгач, хезмәт күрсәтү өчен дә ул җавап бирергә тиеш, дип уйлыйлар. Светлана Әбделхак кызы моны аңлап эш итә. Һәр кешегә игътибарлы һәм ихтирамлы булырга тырыша.
Хезмәткәрләре дә аның хакта тик яхшы сүзләр генә әйтә.
— Кешелекле һәм ярдәмчел, шаян да, акыллы да, — диләр аның белән бер кабинетта утыручы баш бухгалтер Елена Рычкаль белән фатирга түләүне исәпләүче бухгалтер Инна Хисмәтуллина.
— Ул — югары класслы хезмәткәр һәм җаваплы белгеч, безнең оешмада 2011 елдан эшли, — дип сүзгә кушыла “Жилищник”ның директоры Рәсим Гыйниятуллин. — Түләүләр алудан тыш, касса кенәгәсен алып бара, аванс отчетларын кабул итә, күзәтү хезмәтләре өчен отчетлар төзи. Андый кеше белән эшләү күңелле. Елмаеп торучы, изге күңелле бухгалтерны клиентлар да ярата. Сабыр гына тыңлый, аннары барысын да аңлатып бирә. Теләсә нинди низагны да тиз сүтеп бирә. Клиентларның ризалыгы — хезмәткәр өчен иң югары бәя.
