Алар "Башкортстан чәчәкләре" бакча үзәгендә, "Горзеленхоз" оранжереясында үстерелгән. Яшелләндерү эшләре кичә башланды. Быел чәчәк түтәлләрен капма-каршы төсләр, гайре табигый һәм креатив бизәкләр бизәр дип көтелә.
Иң популяр чәчәкләрнең берсе – петуния. Аларны дөньяның бик күп шәһәрләрендә яраталар. Петуния һәм башка гүзәл чәчәкләргә уфалылар да битараф түгел. Ләкин уфалыларның кайберләре чәчәкләрне яратуын үзенчәлекле итеп белдерә – былтыр Уфа түтәлләреннән 60 мең төптән артык чәчәк урланган. Шәһәр хакимиятенең рәсми сайтында белдерелүенчә, чәчәкләргә сакчыл карау сорала, чөнки алар - күп көч һәм күмәк хезмәт җимеше.