+13 °С
Облачно
Төрлесеннән
19 Июля 2017, 21:00
“Мизгел тәме” телеңне йотарлык!
Якташлары да, язучы-шагыйрьләр дә Фатыйма Галиеваның әле генә табадан төшкән әдәби күчтәнәченә шундый югары бәя бирде.“Буыннан-буынга асыл хәзинә итеп тапшырыла килгән, заман җилләре дә сындыра алмаган, кешелек тарихы өчен бик кадерле булган кыйммәтләр бар. Юк, асылташлар түгел. Хакы берни белән дә үлчәп булмастай, еллар үткән саен бәясе арта гына баручы бу кыйммәт — әдәби мирас. Шушы хәзинәне безгә бүләк итүче язучылар һәм шагыйрьләр бүген бездә кунакта”, — дип башлап җибәрделәр бу очрашуны алып баручы Әлфия Кантимерова белән Гөлнар Сәйфуллина.Якташлары Фатыйма Галиеваның “Мизгел тәме” китабының туена укучылар, укытучылар, элекке укучылары, китап яратучылар җыелган иде. Танылган шагыйрьләр һәм язучылар Хисмәт Юлдашев, Тамара Искәндәрия, Закир Әкбәров, Земфира Муллагалиева, Рәсим Шәфи-Рәхмәт тә килгән иде.
Бу чарага Динес мәктәбе залы бәйрәмчә бизәлгән, китаплар күргәзмәсе оештырылган иде, кунакларны икмәк-тоз һәм чәкчәк, җыр белән каршы алдылар.
Бу көндә, Фатыйма Галиеваны китабы дөнья күрү белән котлап, шигырьләрен укыдылар, аларны җентекле анализладылар. Динеслеләр якташларының иҗаты белән кызыксынып тора. 9нчы сыйныф укучысы шуңа багышланган рефератын укып ишеттерде. Очрашуга килүчеләр шагыйрә турында күп кызыклы нәрсәләр белде.
Фатыйма Галиеваның әдәбиятка юлы такыр гына булмаган. БДУның филология факультетын тәмамлагач, ул Динес мәктәбендә укыткан, шуннан Күмертау шәһәрендә белем биргән. Хәтта авыр чир дә аны аяктан ега алмаган. Ул Күмертау шәһәрендә “Элохимы” клубында бик күп спорт төрләре белән шөгыльләнгән, күп җиңүләр яулаган, берничә тапкыр республика чемпионы булган. Әле ул Стәрлетамак шәһәрендә яши.
2000 еллар башында күңел түрендә йөрткән шигырьләрен кәгазьгә яза башлый. Бер танышы шигырен укыгач, бик ошатып, шәһәр гәзите редакциясенә илткән. Шуннан алып аның шигырьләре республика басмаларыңда да дөнья күрә. Соңгы 15 елда Фатыйма Галиеваның шигырьләре 15 җыентыкка (шуларның өчесе “Китап” нәшриятында) кертелә. Ул “Илһам чишмәләре” (2007 ел),
“СТИХиЯ Пегаса” (2014-15) фестивальләре, “Идел” журналы (2013) лауреаты була. 2012 елда республикада яшәүче, әдәби иҗат белән мавыгучы инвалидларның әсәрләрен җыеп, “Артылыш. Преодоление. Омтылыш” китабын бастыра. 2015 елда Фрунзе исемендәге кооператив ярдәмендә динеслеләр иҗат иткән шигырьләрдән торган “Кыр чәчәге” китабын чыгара. Шуннан соң гына Фатыйма Галиеваның үз шигырьләре җыентыгы дөнья күрә. Шушы дәлилләр дә якташыбыз күнеленең киңлеге хакында сөйли.
Бу кичәдә әдәбият, шигырьләр төп герой булды. Кунакларның, якташ-ларның, китапханә хезмәткәрләренең, укытучыларын котларга килгән элекке укучыларының чыгышларыннан соң шагыйрәнең шигырьләре буенча шигырь конкурсы үтте.
Фатыйма Галиева “Акбузат” журналының баш мөхәррире Тамара Искәндәриягә китабын бастыруда күрсәткән ярдәме өчен чын күңелдән рәхмәт белдерде. Т. Искәндәрия, үз чиратында, Ф. Галиеваның берничә шигырен журналда бастыргач, журнал укучыларның телефон аша шул шигырьләр өчен рәхмәт әйтүен сөйләде. Хисмәт Юлдашев, “Мизгел тәме”н Себергә алып барып, кичләрен иптәшләре белән бергә укуын әйтте. Яңа китапны котларга Күмертаудан килгән Закир абый Әкбәров тә күп җылы сүзләр әйтте. Стәрлетамактан Земфира Муллагалиева үзе җитәкләгән “Стәрле” оешмасы әгъзаларының актив иҗади тормышы белән таныштырды: соңгы бер-ике ел эчендә алар биш районда булган, шәһәрдәге чараларда да катнашкан. Шул исәптән 2015 елдагы әдәби марафонда Фатыйма Галиеваның шигырьләрен дә тикшерү булган, аңа югары бәя бирелгән. Динеслеләр инде яратып өлгергән Рәсим Шәфи-Рәхмәт тә авторны котлады, үзенең шигырь-ләрен укыды. Фрунзе исемендәге кооператив рәисе Фәйруз Галиевка, чараны оештыручыларга — мәктәп коллективына, Динес мәдәният йорты һәм китапханәсе хезмәткәрләренә, Лилия Йосыповага һәм Нәфисә Бохариевага карата да рәхмәт сүзләре яңгырады.
Без, Фатыйма Кәлимулла кызының якташлары, күңелләрдә җылы тәэссоратлар калдырган шушы кичә өчен аңа рәхмәтебезне белдерәбез.
Бу көндә, Фатыйма Галиеваны китабы дөнья күрү белән котлап, шигырьләрен укыдылар, аларны җентекле анализладылар. Динеслеләр якташларының иҗаты белән кызыксынып тора. 9нчы сыйныф укучысы шуңа багышланган рефератын укып ишеттерде. Очрашуга килүчеләр шагыйрә турында күп кызыклы нәрсәләр белде.
Фатыйма Галиеваның әдәбиятка юлы такыр гына булмаган. БДУның филология факультетын тәмамлагач, ул Динес мәктәбендә укыткан, шуннан Күмертау шәһәрендә белем биргән. Хәтта авыр чир дә аны аяктан ега алмаган. Ул Күмертау шәһәрендә “Элохимы” клубында бик күп спорт төрләре белән шөгыльләнгән, күп җиңүләр яулаган, берничә тапкыр республика чемпионы булган. Әле ул Стәрлетамак шәһәрендә яши.
2000 еллар башында күңел түрендә йөрткән шигырьләрен кәгазьгә яза башлый. Бер танышы шигырен укыгач, бик ошатып, шәһәр гәзите редакциясенә илткән. Шуннан алып аның шигырьләре республика басмаларыңда да дөнья күрә. Соңгы 15 елда Фатыйма Галиеваның шигырьләре 15 җыентыкка (шуларның өчесе “Китап” нәшриятында) кертелә. Ул “Илһам чишмәләре” (2007 ел),
“СТИХиЯ Пегаса” (2014-15) фестивальләре, “Идел” журналы (2013) лауреаты була. 2012 елда республикада яшәүче, әдәби иҗат белән мавыгучы инвалидларның әсәрләрен җыеп, “Артылыш. Преодоление. Омтылыш” китабын бастыра. 2015 елда Фрунзе исемендәге кооператив ярдәмендә динеслеләр иҗат иткән шигырьләрдән торган “Кыр чәчәге” китабын чыгара. Шуннан соң гына Фатыйма Галиеваның үз шигырьләре җыентыгы дөнья күрә. Шушы дәлилләр дә якташыбыз күнеленең киңлеге хакында сөйли.
Бу кичәдә әдәбият, шигырьләр төп герой булды. Кунакларның, якташ-ларның, китапханә хезмәткәрләренең, укытучыларын котларга килгән элекке укучыларының чыгышларыннан соң шагыйрәнең шигырьләре буенча шигырь конкурсы үтте.
Фатыйма Галиева “Акбузат” журналының баш мөхәррире Тамара Искәндәриягә китабын бастыруда күрсәткән ярдәме өчен чын күңелдән рәхмәт белдерде. Т. Искәндәрия, үз чиратында, Ф. Галиеваның берничә шигырен журналда бастыргач, журнал укучыларның телефон аша шул шигырьләр өчен рәхмәт әйтүен сөйләде. Хисмәт Юлдашев, “Мизгел тәме”н Себергә алып барып, кичләрен иптәшләре белән бергә укуын әйтте. Яңа китапны котларга Күмертаудан килгән Закир абый Әкбәров тә күп җылы сүзләр әйтте. Стәрлетамактан Земфира Муллагалиева үзе җитәкләгән “Стәрле” оешмасы әгъзаларының актив иҗади тормышы белән таныштырды: соңгы бер-ике ел эчендә алар биш районда булган, шәһәрдәге чараларда да катнашкан. Шул исәптән 2015 елдагы әдәби марафонда Фатыйма Галиеваның шигырьләрен дә тикшерү булган, аңа югары бәя бирелгән. Динеслеләр инде яратып өлгергән Рәсим Шәфи-Рәхмәт тә авторны котлады, үзенең шигырь-ләрен укыды. Фрунзе исемендәге кооператив рәисе Фәйруз Галиевка, чараны оештыручыларга — мәктәп коллективына, Динес мәдәният йорты һәм китапханәсе хезмәткәрләренә, Лилия Йосыповага һәм Нәфисә Бохариевага карата да рәхмәт сүзләре яңгырады.
Без, Фатыйма Кәлимулла кызының якташлары, күңелләрдә җылы тәэссоратлар калдырган шушы кичә өчен аңа рәхмәтебезне белдерәбез.
Миңнур ӘДИҺӘМОВА.
