+22 °С
Яңгыр
Төрлесеннән
14 апрель 2020, 06:12
Эх, кыяры да кыяры!
“Сабантуй” “яланнары”нда үстерелгән яшелчә башкала халкында да зур сорау белән файдалана
Нефтекама һәм Краснокама халкы
сатуга сусыл, тәмле кыярлар чыгуын февраль аенда үк көтеп ала. “Редькино кыярлары” булып халык теленә кергән яшелчәләрне җаваплылыгы чикләнгән “Сабантуй” җәмгыяте үстерә. Әле төзелүенә берничә ел гына булса да, зур уңышларга ирешеп килүче оешма-ларның берсе ул “Сабантуй”. Эльхан Гасанов җитәкләгән җәмгыять кыска гына вакыт эчендә Редькино авылы янында заманча материаллар һәм технологияләрне кулланып, бер гектар җирдә теплицалар корды.
— Бишенче гыйнварда сигез теплицада кыяр утырттык. “Геракл” сортын утыртабыз, узган елда бу сорттан канәгать калдык, сезонына 270 тоннага якын кыяр уңышы алдык. Быел да яхшы уңышка өмет итәбез. Февраль башында беренче кыярларны җыйдык та инде. Бүгенге көнгә сатуга дүрт тоннадан артык кыяр озаттык. Хәзер менә яшелчә күпләп өлгерә башлый, көненә бер тоннадан ким җыймыйбыз, кайчак дүрт-биш тоннага җитә, — ди агроном ярдәмчесе Әлфидә Мәкъсүтова.
Яшелчәләрне Краснокама районына, Нефтекама, Уфа шәһәрләренә озаталар.
— Уңышны иң тәүдә Куян авылы кибетенә куябыз, чөнки эшчеләребез шушы авылдан, Редькинодан килеп эшли. Күпләп җыя башлагач, шәһәрләргә чыгарабыз, — ди “Сабантуй”ның директоры Эльхан Гасанов.
сатуга сусыл, тәмле кыярлар чыгуын февраль аенда үк көтеп ала. “Редькино кыярлары” булып халык теленә кергән яшелчәләрне җаваплылыгы чикләнгән “Сабантуй” җәмгыяте үстерә. Әле төзелүенә берничә ел гына булса да, зур уңышларга ирешеп килүче оешма-ларның берсе ул “Сабантуй”. Эльхан Гасанов җитәкләгән җәмгыять кыска гына вакыт эчендә Редькино авылы янында заманча материаллар һәм технологияләрне кулланып, бер гектар җирдә теплицалар корды.
— Бишенче гыйнварда сигез теплицада кыяр утырттык. “Геракл” сортын утыртабыз, узган елда бу сорттан канәгать калдык, сезонына 270 тоннага якын кыяр уңышы алдык. Быел да яхшы уңышка өмет итәбез. Февраль башында беренче кыярларны җыйдык та инде. Бүгенге көнгә сатуга дүрт тоннадан артык кыяр озаттык. Хәзер менә яшелчә күпләп өлгерә башлый, көненә бер тоннадан ким җыймыйбыз, кайчак дүрт-биш тоннага җитә, — ди агроном ярдәмчесе Әлфидә Мәкъсүтова.
Яшелчәләрне Краснокама районына, Нефтекама, Уфа шәһәрләренә озаталар.
— Уңышны иң тәүдә Куян авылы кибетенә куябыз, чөнки эшчеләребез шушы авылдан, Редькинодан килеп эшли. Күпләп җыя башлагач, шәһәрләргә чыгарабыз, — ди “Сабантуй”ның директоры Эльхан Гасанов.
Заманча технологияләр белән җиһазландырылган теплицада кул көче кулланылмый да диярлек, бүген биредә 13 кеше көч сала. Су сибү автоматлаштырылган. Кышкы айларда, үсентеләргә яктылык җитмәгәндә, биредә 600 ваттлы 160 лампа яктылык чыганагы булып тора. Бүген инде түшәмгә кадәр үрмәләгән үсентеләр кояш яктысында иркәләнә.
— Быел бигрәк тә әйбәт булды, кояш җылыта, якты, үсентеләргә нәкъ шул кирәк тә инде! — ди Әлфидә ханым.
Теплицаны газ калориферлары җылыта, дымлылык, җылылык, яктылыкны компьютер тикшерә, берәрсе тиешле күләмдә булмаса, ул шундук сигнал бирә һәм җитешсезлекләр бетерелә.
— Яшелчәләрнең сыйфаты югары, бернинди химия юк, чөнки без химия түгел, ә ашлама гына кертәбез. Үзебез дә ашыйбыз, халыкка тәкъдим итәргә дә курыкмыйбыз. Хакларны да, чагыштырмача, арзан куйдык, — ди директор Эльхан Мөхүббәт улы.
Теплицада Нефтекама шәһәренең заказы буенча чәчәк үсентеләре дә утыртканнар, алар инде баш төртеп, үсеп килә. Соңрак чәчеләселәрен без барганда Эльхан Мөхүббәт улы үзе олы тартмаларга чәчеп йөри иде.
— Чәчәк орлыкларын заказ белән Мәскәүдән кайтарабыз, Нидерланды орлыкларының чыгышы яхшы, — ди ул, туфракка орлыкларны салып. Җылыда бер-ике көндә төртеп чыга алар. Май бәйрәмнәренә чәчәк атып, матур булып утырырга өлгертергә кирәк.
— Кыярларның беренче партиясен гыйнварда утыртабыз, февраль азакларыннан июньгә кадәр алар уңыш бирә. Июль башында икенче партияне утыртабыз, алары исә халыкта үз бакчасындагы кыярлар бетә төшкәч, августтан ноябрьгә кадәр уңыш бирә. Декабрьдә теплицаларны җыештыру, эшкәртү белән мәшгульбез. Гыйнварда инде яңадан чәчәбез. Шулай ел әйләнәсенә, — дип эш тәртибе белән таныштыра Әлфидә Мәкъсүтова.
Ул биредә тырышып эшләүче Ульяна Байгилдина, Рина Бәйрәмова, Ралина Әлмиева, Галина Искәндәрова, Лилиана Тимергазинаны мактап телгә алды.
— Хезмәткәрләр күңел биреп, яратып эшли. Үсентеләр белән башкача мөмкин дә түгел, шушы яшел дөньяга килеп кергәч тә күңелләр күтәрелеп китә, — ди Әлфидә ханым.
Кызларның һәрберсендә — озынлыгы йөз метрга сузылган, киңлеге ун метрлык берәр теплица. Меңнәрчә төп кыяр үсентесенең сәламәтлеге, уңдырышлылыгы алар кулында. Шуңа да алар үсентеләрне бала кебек тәрбияли.
Бүген, импорт продуктларын киметүгә басым ясаганда, әлеге оешма зур социаль әһәмияткә ия. Беренчедән, халык экологик яктан чиста һәм арзан яшелчәләр белән тәэмин ителә, икенчедән, бүгенге икътисади яктан җиңел булмаган шартларда эш урыннары булдыру да мөһим социаль әһәмияткә ия.
— Газга, җылылык чыганагына дәүләт дотациясе булса, мәйданнарны тагы да киңәйтеп, продукцияне арттырып булыр иде. Югыйсә, газның, электр энергиясенең кыйммәтлеге бәкәлгә суга, — ди эшкуар Эльхам Гасанов.
Халыкны ашлы, эшле иткән “Сабантуй” җәмгыяте җитәкчелеге шул очракта өстәмә эш урыннары булдыру мөмкин-леге барлыгын да белдерә.
Гөлнара ГЫЙЛЕМХАНОВА.
Краснокама районы.
— Быел бигрәк тә әйбәт булды, кояш җылыта, якты, үсентеләргә нәкъ шул кирәк тә инде! — ди Әлфидә ханым.
Теплицаны газ калориферлары җылыта, дымлылык, җылылык, яктылыкны компьютер тикшерә, берәрсе тиешле күләмдә булмаса, ул шундук сигнал бирә һәм җитешсезлекләр бетерелә.
— Яшелчәләрнең сыйфаты югары, бернинди химия юк, чөнки без химия түгел, ә ашлама гына кертәбез. Үзебез дә ашыйбыз, халыкка тәкъдим итәргә дә курыкмыйбыз. Хакларны да, чагыштырмача, арзан куйдык, — ди директор Эльхан Мөхүббәт улы.
Теплицада Нефтекама шәһәренең заказы буенча чәчәк үсентеләре дә утыртканнар, алар инде баш төртеп, үсеп килә. Соңрак чәчеләселәрен без барганда Эльхан Мөхүббәт улы үзе олы тартмаларга чәчеп йөри иде.
— Чәчәк орлыкларын заказ белән Мәскәүдән кайтарабыз, Нидерланды орлыкларының чыгышы яхшы, — ди ул, туфракка орлыкларны салып. Җылыда бер-ике көндә төртеп чыга алар. Май бәйрәмнәренә чәчәк атып, матур булып утырырга өлгертергә кирәк.
— Кыярларның беренче партиясен гыйнварда утыртабыз, февраль азакларыннан июньгә кадәр алар уңыш бирә. Июль башында икенче партияне утыртабыз, алары исә халыкта үз бакчасындагы кыярлар бетә төшкәч, августтан ноябрьгә кадәр уңыш бирә. Декабрьдә теплицаларны җыештыру, эшкәртү белән мәшгульбез. Гыйнварда инде яңадан чәчәбез. Шулай ел әйләнәсенә, — дип эш тәртибе белән таныштыра Әлфидә Мәкъсүтова.
Ул биредә тырышып эшләүче Ульяна Байгилдина, Рина Бәйрәмова, Ралина Әлмиева, Галина Искәндәрова, Лилиана Тимергазинаны мактап телгә алды.
— Хезмәткәрләр күңел биреп, яратып эшли. Үсентеләр белән башкача мөмкин дә түгел, шушы яшел дөньяга килеп кергәч тә күңелләр күтәрелеп китә, — ди Әлфидә ханым.
Кызларның һәрберсендә — озынлыгы йөз метрга сузылган, киңлеге ун метрлык берәр теплица. Меңнәрчә төп кыяр үсентесенең сәламәтлеге, уңдырышлылыгы алар кулында. Шуңа да алар үсентеләрне бала кебек тәрбияли.
Бүген, импорт продуктларын киметүгә басым ясаганда, әлеге оешма зур социаль әһәмияткә ия. Беренчедән, халык экологик яктан чиста һәм арзан яшелчәләр белән тәэмин ителә, икенчедән, бүгенге икътисади яктан җиңел булмаган шартларда эш урыннары булдыру да мөһим социаль әһәмияткә ия.
— Газга, җылылык чыганагына дәүләт дотациясе булса, мәйданнарны тагы да киңәйтеп, продукцияне арттырып булыр иде. Югыйсә, газның, электр энергиясенең кыйммәтлеге бәкәлгә суга, — ди эшкуар Эльхам Гасанов.
Халыкны ашлы, эшле иткән “Сабантуй” җәмгыяте җитәкчелеге шул очракта өстәмә эш урыннары булдыру мөмкин-леге барлыгын да белдерә.
Гөлнара ГЫЙЛЕМХАНОВА.
Краснокама районы.
