Тукай безнең йөрәкләрдә

Бөек шагыйрь Габдулла Тукай дөньяда бары тик 26 ел яшәгән. Шулай булса да, Казанда берен­че­ләрдән булып балалар өчен нәкъ ул яза башлый һәм татар фольклоры турында берни­чә хезмәт чыгара. Шулай ук Г. Тукай татар халкын Пушкин, Лермонтов һәм башка урыс шагыйрь­ләре­нең иҗаты белән таныштыра.

Өлкәннәр өчен тирән һәм җитди әсәрләрдән тыш, Г. Тукай балалар өчен дә язган. Гомумән, аның каләм астыннан балалар өчен 150дән артык шигырь чыккан. Алар­ның кайбер­лә­рендә ул милли татар әки­ятләре геройларын тудырды. Аның күп кенә шигырьләрен татар композиторлары музыкага сал­ган. Ә “Шүрәле” поэмасы буенча балет Мариин һәм Зур театрлар сәхнәсендә куелды.
Г. Тукай иҗатына Бүздәк районында да зур игътибар бирелә. Февральдә үзәк китапханә район халкы арасында татар мәдә­ниятен, телен һәм әдәбиятын белүгә “Туган сүз – туган тел” дигән онлайн-анкета үткәрде. Аның нәтиҗәләре район халкы арасында шагыйрь һәм аның әсәрләре популяр булуын күрсәтте.
Ел саен китапханә фонды шагыйрь турында яңа китап­лар, аның шигырьләре белән тулылана. Быел китапха­нәләргә Ә. З. Вәли­ди исе­мен­дәге Милли ки­тапханә ты­рышлыгы белән ике яңа китап кайтарылды: алар Г. Тукайның “Сайланма әсәр­ләр”е һәм “Ядкяр­ләрдә – Тукай рухы”. Китапта ша­гыйрьнең бик күп фоторә­семнәре урын алган.
Бүгенге көндә укучыларыбыз райондагы авыл китапханәләрендә шагыйрь­гә багышланган чараларда яңалыклар белән таныша ала. Килем авылында “Алтын хәзинә” татар мәдәниятен һәм әдә­биятын өйрәнү үзәге урнашкан. Биредә еш кына әдәби сәгатьләр, шагыйрь иҗаты буенча театрлаштырылган кичәләр оештырыла, аларда укучылар арасында рәсем конкурслары да уза.
Быел шагыйрьнең туган көне алдыннан Бүздәк үзәкләштерелгән китапханә­ләр системасы Г. Тукай иҗатына һәм Русия халык­ларының мәдәни мирасы елына багышланган “Тылсымлы Тукай дөньясы” дигән район конкурсы игълан итте. Система китап­ханәләре Г. Тукай әсәрләре буенча күргәзмәләр оештырды, әңгәмәләр, китапха­нә дәрес­ләре, шигъри сәгатьләр үткәрде.
Әмир авылы китап­ха­нәсе тозлы камырдан панно иҗат итү белән шөгыль­ләнә. Аеруча Диана Исха­кованың – “Карлыгач”, Юлия Гали­мованың “Су анасы” һәм Ильяс Саттаровның “Шү­рәле” әкиятләре эш­ләре игътибарны җәлеп итә. Китапханәче З. Ә. Әскарова “Кәҗә һәм тәкә” мозаикасыннан панно ясады. Эш нәтиҗәләре буенча китап­ханәдә “Язлар белән кайта Тукай” дигән күргәзмә оештырылды.
Уртакүл авылы китап­ханәсе Г.Ту­кайның “Онытылмас вакыт” китабы буенча видеоролик төшерде. Укучы Рәсим Мостафин әлеге видеороликта китап турында мавыктыргыч итеп сөйләде, күренекле ша­гыйрь­нең биографиясе бе­лән таныштырды, Тукай шигырьләрен укыды.
Батырша-Кобау китап­ха­нәсе укучылары Г. Тукайның атаклы “Туган авылым” шигыре буенча флешмобта катнашты. Балалар китап­ханәсе тернәк­ләндерү үзәге балалары белән очрашу үткәрде, анда Г. Тукай әкиятләре белән таныштылар.
Күзәй китапханәсе уку­чылары Г.Ту­кай әкиятләре буенча куелган “Урманда очрашу” музыкаль-театрлаштырылган тамашада катнашты, “Су анасы”, “Шү­рәле”, “Кәҗә”, “Акбай”, “Бала белән Күбәләк” әкият­ләре геройлары белән очрашты. Балалар шигырьләр сөй­ләде, җыр­лады, биеде. Бәйрәм “Туган тел” җырын башкару белән тәмамланды. Китап­ханәдә “Тукай безнең күңел­ләрдә” дигән күргәзмә оештырылды.
Район үзәк китапханәсе шагыйрь­нең туган көнендә укучылар өчен “Тукай – сүнмәс йолдыз” дигән күргәзмә оештырды. Хезмәт күрсәтү бүлеге мөдире Г. Акчурина һәм китапха­нәчеләр Ә. Әбдрәшитова һәм Л. Шәй­бәкова шагыйрь­нең катлаулы биографиясен кызыклы һәм аз билгеле фактлар белән баетты, шагыйрьнең иҗаты буенча видеопрезентация күрсәтте, аның шигырьләрен сөй­ләде.

Татьяна Мамлиевa,
Бүздәк районы үзәк китапханәсенең методик бүлеге мөдире.