Җитәкченең бу картны күрәсе килгән. Шуңа ул картның өенә барырга карар кылган, бу хакта аңа хәбәр итәргә кушкан.
—Без шундый зур кешене ни белән сыйлыйбыз инде? — дип хафага калган картның карчыгы.
—Кайгырма, барысын да мин кушканча эшләрсең, — дигән карт.
Менә җитәкче карт өенә килеп кергән. Хуҗа кунакны сыйлар өчен хатынына карбыз китерергә кушкан. Карчык карбыз алып кергән.
—Бу карбыз бик яхшы түгел, әле өлгереп җитмәгән, бар, яхшырагын алып кер, — дип чыгарып җибәргән карчыгын карт, карбызны капшап карагач.
Карчык икенчегә карбыз алып кергәч тә шундый хәл кабатланган. Өченчегә алып кергән карбызны гына ошаткан хуҗа кеше һәм аны кисеп, абруйлы кунакны сыйлаган.
Бераз сөйләшеп утыргач, җитәкче картның кунакчыллыгыннан канәгать калып, шат кәеф белән кайтырга юлланган.
Ә теге карбыз карт өендәге бердәнбер карбыз булган...
Фото: vsegda-pomnim.com