-3 °С
Болытлы
Гәзиткә язылуVKOKTelegram
Барлык яңалыклар
Төрлесеннән
16 сентябрь 2022, 10:25

Байлык сере нәрсәдә?..

Бер бик бай гаилә башлыгы кечкенә улына үзләренең никадәр җитеш, бәхетле тормышта яшәүләрен аңлатырга теләп, беркөнне аны үзе белән фермалары урнашкан кечкенә авылга алып барган. Алар авыл читендәге фәкыйрь генә бер гаиләдә төн кунып та чыкканнар.

Байлык сере нәрсәдә?..
Байлык сере нәрсәдә?..

— Я, ничек, улым, күрдеңме инде кешеләрнең нинди бай һәм нинди фәкыйрь була алуларын? Чагыштырдыңмы? — дип сораган әтисе үзләренең ташпулаттай өйләренә кайткач.
— Әйе, әти, күрдем, чагыштырдым! — дигән малай. — Безнең өйдә бер генә эт яши, ә аларның дүрт этләре, ике мәчеләре бар! Безнең бакча уртасында бассейн, ә аларның бакча артларында чите дә күренмәгән күл җәйрәп ята! Без төнлә ихатаны, бакчаны ясалма яктырткычлар белән яктыртабыз, ә аларга күктән чын йолдызлар яктылык сирпи! Безнең бакчада ял урыныбыз бар, ә аларның тирә-ягында чиксез офыклар күренә, матур болын җәйрәп ята! Алар шундый бай, әти!
Мондый сүзләрдән соң әтисе телсез калган.
— Рәхмәт, әти, дөньяда шундый матурлыклар, байлыклар булуын күрсәткәнең өчен, — дип тә өстәгән әле малай.

Ә сез ничек яшисез, дуслар, байлыктамы, түгелме? Дөньяда сатып алып булмый торган байлыклар бар бит. Алар — ихласлык, дуслык, матурлык, гаилә бәхете, дуслар... Иң мөһиме — тормышка дөрес карашта булу. Бай, бәхетле булыгыз, дуслар!

Фото: legkopolezno.ru

 

Автор:Ләйсән Якупова
Читайте нас: