Сез ничәнче катта яшисез?

Кешенең кайсы катта яшәве аның психик һәм соматик сәламәтлегенә тәэсир итә ала.

Мәсәлән, беренче катларда яшәүче кешеләр - үпкә системасы авыруларына һәм иммунитетның кимүенә, ә өске катларда яшәүче кешеләр борчылу, баш авыртуларына, кан басымының һәм йөрәк ритмының тотрыксызлыгына дучар була.

Эксперт сүзләренчә, беренче һәм икенче катларда яшәүчеләргә янәшәдәге подвал биналарындагы гөмбәчекләр һәм күгәрекләр куркыныч тудыра. Автострададан газлар туплану яки подъездлар янындагы автомобиль двигательләре эшләү, шулай ук эсседә асфальттан тузан һәм пар да зыян китерергә мөмкин.

Югары катлар – җиденче кат һәм аннан да югарырак, нигездә, сәнәгать төтене – предприятиеләрдән килгән ис, төтен һәм электромагнит нурланышы аркасында куркыныч тудыра.

Экстремаль биек катлар – егерме бишенче һәм югарырак - кешегә коры һава һәм аның үзгәртелгән составы, табигый җилләтү өчен тәрәзәләр ачу мөмкинлеге булмау белән зыянлы. Моннан тыш, югары катларда яшәү тибрәнүләр, лифтта тиз күтәрелү вакытында атмосфера басымы һәм йөкләнешләрнең югары дәрәҗәсе аркасында куркыныч.

Табиблар яшәү өчен өченче-җиденче катларны сайларга киңәш итә – алар сәламәтлек өчен иң уңайлы булачак.

фото: социаль челтәрләрдән