+21 °С
Облачно
Төрлесеннән
14 Мая 2024, 06:40
Көн саен ут яуса...
Бер шәһәрдә сугыш бара, шарт-шорт бомбалар шартлый икән.
Көн саен ут яуса...
Бер офицер тиз генә ут астында калган халыкны җыеп, бер йорт подвалына керткән. Озак утырганнар монда кешеләр. Снарядлар төшү туктамый икән.
—Уф, җитте инде, күпме монда утырырга була. Мин кайтам! — дигән берәү.
—Дөрес. Вакыт уздырып утырабыз, кайтырга кирәк, — дип кушылган аңа икенчесе.
—Кая барасыз, анда бит ут ява, сез һәлак булырга мөмкинсез! — дигән кешеләрне саклаган хәрби.
—Безнең шәһәрдә көн саен ут ява, өйрәндек инде, — дигән бу үзсүзле кешеләр һәм подвалдан чыгып киткән.
Күп тә үтми алар кире кергән.
—Нәрсә, курыктыгызмы, нигә кире уйладыгыз? — дип елмайган солдат.
—Юк ла. Анда яңгыр ява башлады, — дип җаваплаган тегеләр...
