"Кыш бабай белән сыйландыгызмы?"

"Сыйландык! Чәкчәк булды, баллы чәй", - диде Кыш бабай.

Ул балалар белән «НТВ белән Кыш бабай сәяхәте» хәйрия проекты кысаларында узган матбугат конференциясендә аралашты.

Проект кысаларында ул илнең 24 шәһәрендә булган, Уфага да килгән.

Бер көн алдан НТВ спорт күзәтүчесе Кирилл Кикнадзе дә кергән проект командасы Кыш бабай белән инклюзив үсеш белән шөгыльләнүче «Безнең киләчәк» хәйрия фонды карамагындагылар белән аралашты. Балалар өчен Уфа челтәрләре белән идарә итү үзәгенә һәм Трансформатор заводына экскурсия оештырдылар, аннары чыршы үткәрделәр һәм бүләкләр тапшырдылар.

Бөек Устюгтан Кыш бабай шулай ук җиде бала тәрбияләүче Дәүләтовлар гаиләсендә булды. Ул 13 яшьлек Илназның хыялын тормышка ашырды, аңа синтезатор бүләк итте.

Шәһәр хакимиятендә узган матбугат конференциясендә яшь журналистлар Кыш бабайга сораулар бирә алды.
Балаларны барысы да кызыксындырды: кышкы тылсымчы йөри торган аяк киеме дә, аңардан сораган иң гадәти булмаган бүләкләр дә, иң зур хыялы да. Кыш бабай шулай ук балаларга Кыш бабайның нәрсә белән сыйланганын, Уфадагы кайсы урыннар аңа аеруча ошаганын сөйләп бирде.

Ахырда барлык балаларга татлы бүләкләр тапшырылды, һәркем Кыш бабай белән чыршы янында фотога төште.

Фото: Альберт Заһиров.