+12 °С
Болытлы
Барлык яңалыклар
10
Төрлесеннән
23 февраль , 11:10
Бәйрәм табынына — хашлама!
Кышкы учак өстендә пешкәне телеңне йотарлык тәмле була.
Бәйрәм табынына — хашлама!
Кышын учак өстендә казанда пешкән хашлама телеңне йотарлык тәмле була. Бу ризык бик гади әзерләнә. Барлык яшелчәләр дә зур кисәкләргә турала. Сыра белән әзерләнгән хашлама башкалардан үзенчәлекле тәме һәм исе белән аерылып тора. Аңа сыра колмак һәм икмәк исе бирә.
Бу тәмле аш өчен 2,5 кг сыер ите, 1 литр сыра, 2 килограмм бәрәңге, 2 кишер, 1 килограмм татлы борыч, 1 килограмм помидор, 1 килограмм баклажан, 1 килограмм суган, 3 ачы борыч, тәменчә базилик, тоз һәм кара борыч кирәк булачак.
Суганны - ярым боҗраларга, помидорны эре кисәкләргә кисегез. Казан төбенә калын итеп суган катламы салыгыз. Аның өстенә ит катламы түшәгез. Беренче катламга майлы ит сайлана. Аннары тагын суган, өстенә тоз сибегез, тәменчә кара борыч һәм яшел базилик өстәгез.
Киләсе катлам кишер һәм ачы борыч булачак. Татлы борыч салып, тоз сибегез. Аннары баклажан, ә аның өстенә помидор белән сарымсак салыгыз. Киләсе катламга бәрәңге, аннары ит кисәкләре салына. Ит өстенә кара борыч сибегез, суганны, помидорны һәм баклажанны салып бетерегез. Тоз, борыч һәм базилик өстәргә онытмагыз.
Казандагы барлык ингредиентлар өстенә бер литр сыра салыгыз. Капкачын яхшылап ябыгыз һәм талгын утта өч сәгать томалап пешерегез. Бу вакыт эчендә ул тәмләнеп пешеп җитә.
Табынга чыгарганда казанда шулпасы күп булса, аны һәркемгә яшелчәләрдән аерым бирергә мөмкин.
Бик тәмле була. Бәйрәм көнне дуслар, туганнар җыелганда бу тәмле ашны сез дә әзерләп карагыз!
Автор фотосы.
Бу тәмле аш өчен 2,5 кг сыер ите, 1 литр сыра, 2 килограмм бәрәңге, 2 кишер, 1 килограмм татлы борыч, 1 килограмм помидор, 1 килограмм баклажан, 1 килограмм суган, 3 ачы борыч, тәменчә базилик, тоз һәм кара борыч кирәк булачак.
Суганны - ярым боҗраларга, помидорны эре кисәкләргә кисегез. Казан төбенә калын итеп суган катламы салыгыз. Аның өстенә ит катламы түшәгез. Беренче катламга майлы ит сайлана. Аннары тагын суган, өстенә тоз сибегез, тәменчә кара борыч һәм яшел базилик өстәгез.
Киләсе катлам кишер һәм ачы борыч булачак. Татлы борыч салып, тоз сибегез. Аннары баклажан, ә аның өстенә помидор белән сарымсак салыгыз. Киләсе катламга бәрәңге, аннары ит кисәкләре салына. Ит өстенә кара борыч сибегез, суганны, помидорны һәм баклажанны салып бетерегез. Тоз, борыч һәм базилик өстәргә онытмагыз.
Казандагы барлык ингредиентлар өстенә бер литр сыра салыгыз. Капкачын яхшылап ябыгыз һәм талгын утта өч сәгать томалап пешерегез. Бу вакыт эчендә ул тәмләнеп пешеп җитә.
Табынга чыгарганда казанда шулпасы күп булса, аны һәркемгә яшелчәләрдән аерым бирергә мөмкин.
Бик тәмле була. Бәйрәм көнне дуслар, туганнар җыелганда бу тәмле ашны сез дә әзерләп карагыз!
Автор фотосы.
Читайте нас: