+2 °С
Болытлы
Барлык яңалыклар
Төрлесеннән
25 февраль 2025, 12:21
Алсуны нинди сюрпризлар көтә?..
Ни өчен аңа “Синдә зирәклек — ноль!” дип белдергәннәр? Мәскәүдә җырчы Алсу һәм эшкуар Ян Абрамовның милкен бүлү буенча суд дәвам итә.
Алсуны нинди сюрпризлар көтә?..
Элекке ир белән хатын арасында утырыш 24 февральдә Савелов судында узды. Абрамов вәкиле Александр Добровинский сүзләренчә, тиздән суд процессында алга китешләр көтелә.
"Утырыш 12:30да тәмамланды. Киләсесе 21 мартта булачак. Менә... Һәм анда без сюрпризлар әзерлибез. Ян Алсуга 2,5 миллиард сум тәкъдим иткән иде, бу суд тикшерүләренә кадәр булды. Шулай. Мин - юрист һәм адвокат, процессның ябык булуын исегезгә төшерәм", — дип белдергән Добровинский “aif.ru”га.
Күптән түгел Алсу аның аерылышуы туганнарына ошамавы турында белдергән иде. Гаиләдәге өлкән хатын-кызлар артисткага, акыллы хатын һәрчак “очлы почмакларны” шомартырга һәм ир өчен компромисс табарга тиеш, дип киңәш иткән.
“Һәм мин күп еллар шулай яшәдем. Ә инде аңыма килеп, аерылышырга гариза биргәч, миңа: «Синдә зирәклек юк», — диделәр. Ышанам, гаиләдә һәркем ихтирамга лаек. Ачык булу һәм беренче көннән үк ышанычлы мөнәсәбәтләр төзү мөһим. Кызганыч, мин бу фикергә 18 ел никах тормышыннан соң гына килдем”, — дигән Алсу “Psychologies“ журналына.
Фото: “lisa.ru”
Новости партнеров