

Миләүшә һәм Данир Сабировлар гаиләсендә барлыкка килгән маймылны социаль челтәрләрдә күпләр күрде. Хәзер инде аны югалтучылар табылган.
«Маймыл безнеке түгел иде. Кече кызыбызга эт алгач, «теща»: «Безгә маймыл гына җитми инде», – дип ачулангач, без арендага маймыл таптык. Янәсе, өйгә алдык дип, «тещаны» куркыттык һәм социаль челтәрләргә фото-видеолар урнаштырдык.
Көтмәгәндә, бу маймыл зур резонанс алды. Халык нәрсә генә язмады… «Баюлары җиткән, нәрсә кыланырга белмиләр», – дип тәнкыйтьләүчеләр дә булды. Без бары тик шаярткан идек», – ди бу хакта артист.
Фото: Данир Сабировның шәхси архивыннан.