+24 °С
Яңгыр
Республика
11 октябрь 2019, 04:00
Киләчәк технологияләре авыл мәктәпләренә бара
Ярмәкәй районының ике мәктәбендә “Үсеш ноктасы” санлы һәм гуманитар профильле үзәкләр ачылды: Суккул һәм 8нче Март авыллары мәктәпләрендә заманча белем алу мөмкинләре барлыкка килде. Мондый үзәкләр булдыру “Мәгариф” гомумдәүләт проектының “Заманча мәктәп” федераль проекты ярдәмендә мөмкин булды.
Ярмәкәй районының ике мәктәбендә “Үсеш ноктасы” санлы һәм гуманитар профильле үзәкләр ачылды: Суккул һәм 8нче Март авыллары мәктәпләрендә заманча белем алу мөмкинләре барлыкка килде. Мондый үзәкләр булдыру “Мәгариф” гомумдәүләт проектының “Заманча мәктәп” федераль проекты ярдәмендә мөмкин булды.
Уку бүлмәләре технология, информатика һәм тормыш иминлеге нигезләре буенча уку юнәлешләренә ярашлы ремонтланды һәм заманча техник чаралар белән җиһазландырылды.
8нче Март урта мәктәбе директоры Лариса Әхмәдуллина хәбәр итүенчә, мәктәпнең эше түбәндәгечә булачак: көннең беренче яртысында уку планы буенча дәресләр, ә аннан соң балаларны дәрестән тыш эшчәнлек кысаларында дәресләр, эшлекле уеннар, тренинглар көтә. Әйтик, дәресләрдән соң класс шахмат кунакханәсе булган коворкинг-үзәккә әвереләчәк.
Ә информатика һәм технология дәресләрендә балалар виртуаль чынбарлыкның шлемын тикшерә, квадрокоптер эшли, яки 3D-модель бастыра алачак. Гомуми белем бирү учреждениесе җитәкчесе сүзләренә караганда, мондый шартларда дәресләр балаларга һәм яшүсмерләргә коммуникатив күнекмәләрне, креативлыкны, стратегик һәм киң карашлы фикерләүне, стресс ситуацияләрендә психологик тотрыклылыкны камилләштерергә мөмкинлек бирәчәк.
Энҗе Шәфыйкова,
Ярмәкәй районы хакимиятенең мәгълүмат-аналитика
секторы мөдире.
