+22 °С
Яңгыр
Республика
20 июль 2020, 11:30
Тирә-як матур булсын
Иртәгә Башкортстан Республикасы Дәүләт җыелышы-Корылтай йортында республика муниципалитетлары вәкилләре киләчәк төзекләндерү проектлары буенча фикер алышу, тәҗрибә белән уртаклашу һәм шәһәр үсеше өлкәсендәге белгечләрдән лекцияләр тыңлау өчен җыелачак. Чараны Башкортстан шәһәрләре үсеше институты һәм Торак-коммуналь хуҗалык министрлыгы оештыра.
Семинарның төп темасы - гомумдәүләт проектларын һәм республика программаларын синхронлаштыру, төзекләндерү проектларын гамәлгә ашыру.
“Бу семинар Радий Хәбировның төзекләндерү проектларын булдырганда һәм шәһәр мохитен үстерү буенча барлык белгечләрнең компетенцияләрен арттырганда комплекслы якын килүнең мөһимлеген күп тапкыр ассызыклаган йөкләмәсе буенча оештырылды”, - диде җәмәгатьчелек урыннарын үстерү һәм шәһәр мохите мәсьәләләре буенча Башкортстан Башлыгы киңәшчесе Ольга Сарапулова.
Республика шәһәрләрне яңадан тергезүдә сыйфатлы һәм системалы якын килүне куллану буенча алдынгы урыннарны били. Шәһәр киңлеген үзгәртеп кору нәтиҗәсе гомумдәүләт проектлары чараларын синхронлаштыру һәм, нәтиҗәдә, шәһәр инфраструктурасына бюджет акчалары кертүнең нәтиҗәлелеген арттыру исәбенә тәэмин ителә. Комплекслы нәтиҗәгә берничә ведомствоның уртак эше юлы белән ирешелә, ә Шәһәрләрне үстерү институты алар арасындагы бәйләүче звено булып хезмәт итә.
Семинар барышында, шулай ук, “Уңайлы шәһәр мохитен формалаштыру” һәм “Башкортстан ихаталары” программалары кысаларында төзелүче агымдагы проектларны гамәлгә ашыру, муниципалитетлар юлыккан проблемалар, яңа иҗтимагый киңлекләрдә проектлар булдырганда сыйфатлы материаллар сайлау, вакыйгалар программасын оештыру мәсьәләләре буенча фикер алышу булачак.
Фойеда барлык кунаклар урындагы җитештерүчеләрнең иҗтимагый киңлекләрне төзекләндерү элементлары күргәзмәсе белән таныша алачак, алар арасында өслек үрнәкләре, урам җиһазлары, балалар мәйданчыклары һ.б.
Фото:nur.kz
