+21 °С
Болытлы
Республика
29 сентябрь 2020, 08:30
"Үлсәк, җирләргә дә килә алмаячаклар бит!"
Уфага янәшә булган кайбер авыллар вакыт-вакыт цивилизациядән аерылып торырга мәҗбүр.
Уфага янәшә булган кайбер авыллар вакыт-вакыт цивилизациядән аерылып торырга мәҗбүр.
Сигез километр үтеп булмаслык пычрак. Иглин районындагы өч торак пунктта яшәүчеләр бердәнбер юлны әнә шулай тасвирлый. Ел саен яз-көз айларында авылларга юл нык юыла. Ярты метр биеклектәге колея кешеләрне цивилизациядән аера. Урындагылар монда зур йөк машиналарын гаепли.
Юл урынына - каршылыклар полосасы. Һәм бу һәр көз һәм яз кабатлана. Тирә-як авылларда яшәүчеләр, чын мәгънәсендә, транспорт блокадасында яши.
Урындагы мәктәптә дүрт сыйныф кына бар. Югары сыйныф укучылары район үзәгендә укый. Ата-аналар яңгырлар сезонын коты очып көтә.
- Ничә ел инде бу хәл кабатлана. Авылга кереп тә, чыгып та булмый. Үлсәк, туганнарыбыз безне җирләргә дә кайта алмаячак! - ди урындагы халык.
Хакимият вәкилләре сүзләренчә, юлларны ремонтлау буенча якын арада смета төзеләчәк. Ә менә ремонтны финанслауда ярыйсы гына акча чыкмакчы. Урындагы хакимият төбәк хакимиятләреннән акча сорарга планлаштыра. Һәм алай гына да түгел. Алар юлны сәнәгать максатларында куллана торган оешмалар да аны тергезүдә катнашачак, дип өметләнә.
Ә әлегә яңгырлы көннәрдә ЮХХДИ хезмәткәрләре проблемалы участокта юл хәрәкәтен мөмкин булганча көйләячәк һәм анда зур йөк машиналарын җибәрмәячәкләр, дип вәгъдә итә түрәләр.
Фото:bash.news
